“Ədəbiyyat və incəsənət” portalı görkəmli yazıçı, kinodramaturq və rejissor Rüstəm İbrahimbəyovun vəfatı ilə bağlı ölkə prezidentinin, birinci vitse-prezidentin, digər vəzifəli və tanınmış şəxslərin imzaları ilə yayımlanmış nekroloqu təqdim edir. 

“Azərbaycan mədəniyyətinə ağır itki üz vermişdir. Müasir Azərbaycan ədəbiyyatının və kino sənətinin görkəmli nümayəndəsi, tanınmış nasir, dramaturq, ssenarist və rejissor, Azərbaycan Respublikası Prezidentinin fərdi təqaüdçüsü, Dövlət mükafatları laureatı, Əməkdar incəsənət xadimi, Xalq yazıçısı Rüstəm Məmmədibrahim oğlu İbrahimbəyov 2022-ci il martın 10-da ömrünün 84-cü ilində vəfat etmişdir.

Rüstəm İbrahimbəyov 1939-cu il fevralın 5-də Bakı şəhərində anadan olmuşdur. Orta məktəbi bitirdikdən sonra o, 1956–1962-ci illərdə Azərbaycan Neft və Kimya İnstitutunda ali təhsil almış, əmək fəaliyyətinə 1962-ci ildə Azərbaycan SSR Elmlər Akademiyasında başlamışdır. 

Gənc yaşlarından ədəbiyyat və kino sənəti ilə yaxından maraqlanan Rüstəm İbrahimbəyov Moskvada 1967-ci ildə ali ssenarist kursunu, 1974-cü ildə ali rejissorluq kursunu bitirmişdir. 

Rüstəm İbrahimbəyov müasir Azərbaycan ədəbiyyatının və kinematoqrafiyasının görkəmli simalarındandır. O, çoxcəhətli fəaliyyəti ilə ölkəmizin hüdudlarından kənarda da tanınmışdır. Nəsrimizin yeni mərhələyə qədəm qoymasının fəal iştirakçısı olan Rüstəm İbrahimbəyov öz səmərəli yaradıcılığı ilə bədii-estetik fikrin zənginləşməsində mühüm rol oynamış, yarım əsrdən artıq müddət ərzində ədəbi-mədəni mühitin inkişafına töhfələr vermişdir. Sənətkarın sosial-mənəvi problemləri, dramatik konfliktləri və müasirlərimizin daxili aləmini həyat həqiqətləri əsasında ustalıqla əks etdirən povestləri və hekayələri, pyesləri və ssenariləri ədəbiyyatımızın və milli kino sənətinin məzmunca yeniləşməsində əhəmiyyətli rol oynamışdır. Onun əsərləri əsasında 40-dan çox bədii və televiziya filmləri çəkilmişdir. Mühüm sosial həqiqətlərdən söz açan, rəngarəng və dolğun obrazlarla zəngin bu əsərlər özünəməxsus dəst-xətti ilə seçilən sənətkara böyük oxucu və tamaşaçı auditoriyasının rəğbətini qazandırmışdır. 

Rüstəm İbrahimbəyovun ssenarist və rejissor olaraq kinematoqrafiyanın inkişafında da təqdirəlayiq xidmətləri vardır. Yazıçının ssenariləri əsasında çəkilən “Bir cənub şəhərində”, “Səhranın bəyaz günəşi”, “İstintaq”, “Ad günü” və bir çox digər filmlər geniş şöhrət tapmış, yüksək mükafatlarla təltif edilmişdir. Onun həmmüəllif ssenaristi olduğu “Urqa” filmi 1991-ci ildə Venesiya Beynəlxalq Kinofestivalının ali mükafatına, “Günəşdən usanmışlar” filmi isə 1994-cü ildə Kann Beynəlxalq Kinofestivalının ali mükafatına və 1995-ci ildə Amerika Kino Akademiyasının “Oskar” mükafatına layiq görülmüşdür. 

Rüstəm İbrahimbəyov bədii yaradıcılıqla yanaşı, eyni zamanda ictimai fəaliyyət göstərmişdir. O, 1967–1981-ci illərdə Azərbaycan Kinematoqrafçılar İttifaqı İdarə Heyətinin katibi, 1981–1985-ci illərdə birinci katibi, 1986–1991-ci illərdə SSRİ Kinematoqrafçılar İttifaqı İdarə Heyətinin katibi, 1990-cı ildən ömrünün sonunadək Azərbaycan Kinematoqrafçılar İttifaqının sədri olmuş, 1989-cu ildə SSRİ Ali Sovetinin deputatı seçilmişdir. 

Rüstəm İbrahimbəyovun xidmətləri dövlət tərəfindən yüksək qiymətləndirilmişdir. O, 1976-cı ildə “Əməkdar incəsənət xadimi”, 1998-ci ildə “Xalq yazıçısı” fəxri adlarını almış, Azərbaycan ədəbiyyatının və kino sənətinin inkişafındakı xidmətlərinə görə Azərbaycan Respublikasının ali dövlət təltifi olan “Şöhrət” ordeninə layiq görülmüşdür. 

Görkəmli yazıçı və kino xadimi Rüstəm İbrahimbəyovun xatirəsi onu tanıyanların qəlbində həmişə yaşayacaqdır. 

Allah rəhmət eləsin!”

İlham Əliyev 

Mehriban Əliyeva 

Əli Əsədov 

Sahibə Qafarova 

Samir Nuriyev 

Eldar Əzizov 

Fərəh Əliyeva 

Anar Kərimov 

Anar Rzayev 

Şəfiqə Məmmədova

Oqtay Mirqasımov

Ramiz Fətəliyev 

Rasim Balayev

Hacı İsmayılov

Vaqif Yusifli – Bu, Ordubadidir... (Məmməd Səid Ordubadi-150)

Çingiz Abdullayev – Kişi papağı (hekayə)

Tehran Əlişanoğlu – Anar tezisləri

Adilə Nəzər – Anarın bədii tablosunda məkanlar və vəziyyətlər

Elçin – Məmməd Orucun özü və sözü (75 illik münasibətilə bir neçə söz)

Qəzənfər Paşayev – Akademikin elmimizə son töhfəsi (Bəkir Nəbiyev haqqında)

Niyazi Mehdi – Şuşanın semiotikasından

Cavanşir Yusifli – Divar yazıları

Vidadi Babanlı – Şeirlər

Sayman Aruz – “Körpü”dən Körpüyə: Həmrəylik mesajı

Elxan Zal Qaraxanlı – Ədəbiyyat və əbədiyyət prizmasında son bir ilin modernist şeirləri (Azər Turanın “Çağdaş Azərbaycan şeirində modernist estetikalar” essesi barədə düşüncələr)

Attila Balaş – Sükutda gizlənən sözlər (Səlim Babullaoğlunun Macarıstanda çap olunmuş şeirlər kitabına “son söz”)

Kənan Hacı – Borxesin yazmaq istədiyi kitab

Vüsal Nuru – Bir baxış, üç bucaq (Şəhriyar Təyyaroğlunun “Təfəkkür-Təxəyyül-İstedad üçbucağı” kitabı haqqında)

Rəvan Cavid – “Metaverse”də ədəbiyyat

Ay Bəniz Əliyar – Atalar üçdən deyib (Şair Sabir Sarvanın əziz xatirəsinə)

“Kubada biz bu gün də Trotski haqqında danışmaqdan çəkinirik” – Məşhur Kuba yazıçısı Leonardo Paduranın türk mətbuatına müsahibəsi Nilufər Hacılının təqdimatında

Abid Tahirli – Türkanə sözün misilsiz ustadı haqqında dəyərli dərs vəsaiti (Elşad Səfərlinin “Türkanə sözün misilsiz ustadı” kitabı haqqında)

Təranə Vahid – “Hittə” (Hekayə)

Vahid Əziz – Tarixə bələdçilik edən kitab (İradə Əliyevanın “Bəşir bəy Aşurbəyov və zəmanəsi” kitabı haqqında)

Nargis – Mi

Mərhum yazıçı Azər Abdullanın “Solfecio dərsi” hekayəsi oğlu Alpay Azərin təqdimatında

“Balaca bir körpənin qulağının dibində partlayan mərmilərin qarşısında ədəbiyyat mənasızdır” – “Fikir bucağı” layihəsinin qonağı gənc yazar Şəfa Vəlidir (Söhbətləşdi: Tural Cəfərli)

Qafar Cəfərli – “Ayaqlar altındakı cənnət” (Hekayə)

Allahverdi Eminov – Yazıçı ömrü (Yazıçı-publisist Qafar Cəfərlinin 65 illiyi münasibətilə)

Vəfa Xanoğlan – Həbib Sahir yaradıcılığı və Türkiyə ədəbi mühiti, şəxsiyyəti və poeziyası haqqında düşüncələr

Elşad Barat – Ağ dəvəni düzdə saxlamaq (Həcərin “Ağ dəvə düzdə qaldı” kitabı haqqında)

Rüfət Vahidov – Şeirlər

Mənbə: Edebiyyatqazeti.az

Xalq yazıçısı, Azərbaycan Kinematoqrafçılar İttifaqının sədri, kinodramaturq Rüstəm İbrahimbəyov martın 10-dan 11-nə keçən gecə Moskvada dünyasını dəyişib.

«Ədəbiyyat və incəsənət” xəbər verir ki, bu barədə Azərbaycan Kinematoqrafçılar İttifaqı məlumat yayıb.

Bildirilib ki, Rüstəm İbrahimbəyov uzun sürən xəstəlikdən sonra 83 yaşında vəfat edib.

Mədəniyyətimiz üçün böyük itkidir.

Allah rəhmət eləsin!

(Reklam əsaslı)

 Çoxlarının yaşamaq istədiyi, gözəl və komfortlu mənzillərin bir arada olduğu  “Zümrüd Residence” yaşayış kompleksində tikinti sürətlə davam etməkdədir.

“Zumrud Residence” premium seqmentin bütün tələb və istəklərinə cavab verən, hər bir incə detalın düşünüldüyü möhtəşəm bir layihədir. Qapalı şəhər konseptində inşa edilən “Zumrud Residence” yaşayış kompleksi Bakı şəhərinin tam mərkəzində - Nərimanov rayonunda, Heydər Əliyev Mərkəzi və Konqress Mərkəzin tam yanında yerləşməkdədir.

Kompleksin inşası nəzərdə tutulan müddətdə, plan üzrə icra edilməkdədir. Belə ki, 4 ha ərazidə, 7 yaşayış binasından ibarət olan layihədə artıq üç bina sakinlərin ixtiyarına verilmişdir. Digər binaların tikintisi sürətlə davam etməkdədir. Yaşayış kompleksi daim müşahidə kameraları və mühafizə xidməti ilə nəzarət altındadır. Kompleksin daxilində uşaq bağçası, futbol meydançası, tennis kortu, açıq və qapalı hovuz, uşaq əyləncə mərkəzi, fitness və SPA mərkəzi, gözəllik salonu, yeraltı dayanacaq sakinlərin istifadəsində olacaqdır. Həmçinin, binalar sürətli “Mitsubishi” markalı liftlərlə təchiz edilmişdir. 

Ən əsası -  kompleks öz inşaasında keyfiyyətə xüsusi önəm verir. Belə ki, tikintidə əsasən daş yunundan istifadə olunur, inşaat materialları isə çox keyfiyyətlidir.

Bu kompleks artıq 25 ildir ki fəaliyyət göstərən “Minera Şirkətlər Qrupu” –nun növbəti uğurlu layihəsidir. Şirkət 25 illik fəaliyyət dövründə tikinti və inşaat sahəsində bir çox diqqətçəkən layihələrə imza atmışdır. Təhvil verilmiş layihələrdən  “Evrika” Litseyi, “Dəniz Uşaq bağçası”, Arion Hotel, Yeraltı və Yerüstü keçidlər, Körpülər, “Gənclik” mehmanxanası, Füzuli küçəsində yerləşən yaşayış binalarının orijinal fasadları, “Bakı Bağları” Residence, “Göl Mənzərəsi” Residence və “Azadlıq Bağçalı Evlər” yaşayış komplekslərini göstərmək olar.

Əgər sizin də bu möhtəşəm kompleksdə evinizin olmasını istəyirsizsə, elə indi vaxt itirmədən əlaqə saxlayın!

Əlaqə üçün telefon nömrələri:

✓ 050-271-84-14

✓ 055-519-44-44

✓ 055-477-10-10

Günün fotosu:

Roman Abramoviç Britaniyada persona-non-qrata elan olundu

Londonda yaşayan Rusiyalı milyardçı Roman Abramoviç digər altı rus milyardçısı kimi sanksiyalara məruz qalıb. “Çelsi” klubunu satmaqla pulunu Ukraynaya ödəmək belə ona kömək olmayıb. Onun Britaniyadakı bütün əmlakı müsadirə olunub, özünə isə bu ölkəyə ayaq basmaq qadağan edilib.

Foto: Euronews

Yazıçı Kamil Əfsəroğlunun “İttiham” kitabı çapdan çıxıb.

Kitaba müəllifin üç romanı daxildir. 

Romanlar fərqli mövzulara toxunsa da, “İttiham” adı sanki hər üç əsər üçün xarakterikdir. Romanlarda ötən əsrin 50-60-cı illərinin yazılmayan, bədii ədəbiyyatın diqqətindən kənarda qalan hadisələr qələmə alınıb. Stalin despotizminin xofu onun ölümündən sonra bir müddət çəkilməsə də, insanlar ümidlərini itirmir, sabaha inamla baxırlar.

"ASAN Könüllüləri" Təşkilatının 10 mart - Azərbaycan Milli Teatr Günü münasibətilə Bakı Marionet Teatrına ekskursiyası təşkil edilib.

“Mədəniyyət Carçısı" proqramı çərçivəsində təşkil edilən ekskursiya zamanı iştirakçılar "Arşın mal alan" tamaşasını izləyiblər.

Ekskursiya çərçivəsində könüllülər Azərbaycan xalqının zəngin mədəni irsinin ən müxtəlif sahələrini bir arada görərək, poeziya, musiqi, memarlıq, milli geyim, naxış və rəqslərimiz barədə dolğun məlumat əldə ediblər.

Xəbər verdiyimiz kimi, 9 mart 2022-ci il tarixində Mədəniyyət naziri Anar Kərimov rəssamlıq sənətinə böyük töhfə vermiş Azərbaycan Rəssamlar İttifaqının nümayəndələri ilə görüş keçirib. Görüş barədə daha ətraflı məlumatı “Ədəbiyyat və incəsənət” portalı Mədəniyyət Nazirliyinə istinadən diqqətinizə çatdırır.

Görüş zamanı Anar Kərimov 44 günlük Vətən müharibəsində Ali Baş Komandan, Prezident İlham Əliyevin rəhbərliyi ilə Azərbaycan Ordusunun 30 ilə yaxın işğal altında olan ərazilərimizi azad etdiyini və ərazi bütövlüyümüzün bərpasından ötən müddətdə Azərbaycanın mədəniyyət və incəsənət beşiyi sayılan Qarabağa mədəniyyətin qaytarılması istiqamətində mühüm işlər görüldüyünü vurğulayıb.
Anar Kərimov “Azərbaycan Respublikasında 2022-ci ilin “Şuşa İli” elan edilməsi haqqında” Azərbaycan Respublikasının Prezidenti cənab İlham Əliyev tərəfindən Sərəncam imzalandığını və bununla əlaqədar Azərbaycan Respublikasının Nazirlər Kabineti tərəfindən Tədbirlər Planının hazırlanaraq təsdiq olunduğunu qeyd edərək Mədəniyyət Nazirliyi tərəfindən bir sıra tədbirlərin hazırlandığını iştirakçıların diqqətinə çatdırıb. O, qeyd edib ki, Mədəniyyət Nazirliyi tərəfindən keçirilməsi nəzərdə tutulan tədbirlər sırasında təsviri sənət sahəsində bir sıra layihələr yer almışdır. Belə ki, layihələr çərçivəsində Azərbaycanlı rəssamların Şuşa şəhərinə səfərinin təşkili və onlar tərəfindən yaradılmış əsərlərin Şuşa və Bakı şəhərlərində təqdimat mərasimlərinin təşkil olunacağını və ən yaxşı əsərlərin müəlliflərinin mükafatlandırılacağını bildirib. O, “Şuşa ili” ilə bağlı həmçinin, bir çox beynəlxalq layihələrin də həyata keçiriləcəyini qeyd edib.
Eyni zamanda nazir cari ildə Nazirlik tərəfindən “Şuşa ili”nə həsr olunmuş Şuşa şəhərinin qədim tarixi, mədəniyyəti və dahi şəxsiyyətlərinə aid heykəltaraşlıq müsabiqəsinin təşkil ediləcəyi barədə məlumat verib. Anar Kərimov gələcəkdə də Mədəniyyət Nazirliyi tərəfindən rəssamların işlərinin alınması, respublika daxilində və xaricdə rəssamların fərdi sərgilərinin təşkil edilməsinə dəstək göstəriləcəyini bildirib.
Daha sonra Azərbaycan Rəssamlar İttifaqının sədri Fərhad Xəlilov çıxış edərək görüşün rəssamların fəaliyyətini çətinləşdirən amillərin həlli üçün imkan yaradacağını və faydalı olacağını, həmçinin rəssamların fəaliyyətinin daha da yaxşılaşdırılması üçün böyük töhfə verəcəyini bildirib. Rəssamlar İttifaqının üzvləri - Xalq rəssamı Arif Hüseynov, Aydın Rəcəbov, Xanlar Əhmədov, sənətşünas Ziyadxan Əliyev çıxış edərək rəssamların yaradıcılıq fəaliyyətinin daha da yaxşılaşdırılması üçün təkliflərini səsləndiriblər.
Sonda Mədəniyyət naziri Anar Kərimov “Nizami Gəncəvinin 880 illiyi (1141-2021)” xatirə nişanını Xalq rəssamı Fərhad Xəlilova təqdim edib.

Birləşmiş Krallıq və Azərbaycan arasında diplomatik münasibətlərin otuzuncu ildönümü ərəfəsində British Council, Böyük Britaniya səfirliyi və Azərbaycan Respublikası Mədəniyyət Nazirliyi ilə əməkdaşlıq edərək hər il keçirilən Britaniya Film Festivalının yeddinci buraxılışına start verib.

“Ədəbiyyat və incəsənət” portalı məlumat verir ki, martın 3-də başlanan festival  martın 15-dək Nizami Kino Mərkəzi və YARAT Müasir İncəsənət Məkanında nümayişlərlə davam edəcək. 

“Biz ən həyəcanverici, düşündürücü və bəyənilən yeni filmləri Birləşmiş Krallıqdan Azərbaycana gətiririk” - deyə britaniyalılar bildirirlər. Britaniya Film Festivalının 2022-ci il buraxılışı qlobal iqlim təhlükəsini əməkdaşlıq, dialoq və fəaliyyət imkanları yaradaraq diqqət mərkəzinə çəkir.

Festival Oskar laureatı aktyorlar Cim Brodbent və Helen Mirrenin unudulmaz tərəfdaşlığı ilə ekranlarda iz qoyan, oğurluq və ədalət uğrunda mübarizədən bəhs edən "HERSOQ" retro-komediyası ilə açılıb. "İNSANLAR İQLİM DƏYİŞİKLİYİNƏ QARŞI" və "SƏRHƏDLƏRİN MƏHVİ: PLANETİMİZ HAQQINDA ELM" sənədli filmləri bütün diqqətimizi iqlim təhlükəsinə və bəşəriyyətin planetimizi xilas etmək üçün nə edə biləcəyinə çəkəcək.

Azərbaycanda Britaniya Film Festivalı British Council-ın Azərbaycandakı nümayəndiliyi, Böyük Britaniyanın Azərbaycandakı Səfirliyi və Azərbaycan Respublikası Mədəniyyət Nazirliyi tərəfindən təqdim edilir. 

Britaniya Film Festivalı bizim bərabərlik, müxtəliflik və inklüzivlik prinsiplərinə sadiqliyimizi filmlərlə ifadə edir. Bütün filmlər ingilis dilində nümayiş etdirilir.

Festivalın treylerinə buradan baxa bilərsiniz: http://bit.ly/britishfilmfestival

Biletləri Nizami Kino Mərkəzinin kassalarından və www.nizamicinema.az saytından əldə edə bilərsiniz.