Mirvarid Dilbazi Poeziya Məclisi İctimai Birliyinin təşkilatçılığı ilə Azərbaycan Milli QHT Forumunda ikinci Vətən müharibəsinin qəhrəman oğullarından olan Fəxri Qəribzanin ad günü münasibəti ilə "ANANIN FƏXRİ VƏTƏNİN FƏXRİDİR" adlı tədbir keçirilib.
“Ədəbiyyat və incəsənət” portalına İctimai Birlikdən verilən məlumata görə, tədbirdə vətən yolunda canından keçən şəhidlərin xatirəsi bir dəqiqəlik sükutla yad olunub. Dövlət himni səsləndirilib.
Sonra Fəxri Qəribzadə ilə bağlı videoçarx nümayiş etdirilib.
Mirvarid Dilbazi Poeziya Məclisi İB-nin rəhbəri Güllü Eldar Tomarlı, şəhid Fəxri Qəribzadənin anası Mehparə Qəribova, tək bacısı Türkanə xanım, tanınmış əmək qəhrəmanı, sabiq millət vəkili Tərlan Musayeva, şəhid anaları, şəhid atası,
qazilər, “Dəmir Yumruq” Alfa-A Cəmiyyətinin rəhbəri Ülviyyə Vasifqızı və digər şəxslər çıxış ediblər.
Tədbirdə vətən haqqında mahnılar səsləndirilib.
“Ədəbiyyat və incəsənət”
(12.01.2026)
