24-26 noyabr 2025-ci il tarixində “ASAN xidmət” təcrübəsi əsasında Özbəkistanda fəaliyyət göstərən Dövlət Xidmətləri Mərkəzlərinin nümayəndə heyəti ölkəmizdə səfərdə olub. Məqsəd Özbəkistan Respublikasının Ədliyyə Nazirliyinin rəsmi sorğusu əsasında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən təşkil olunmuş təlim proqramında iştirak olub.

“Ədəbiyyat və incəsənət” portalına ASAN-dan verilən məlumata görə,  Özbəkistan heyəti üçün hazırlanmış xüsusi təlim proqramı ötən ilin avqust ayında Azərbaycan Respublikası Prezidentinin Özbəkistana dövlət səfəri çərçivəsində imzalanmış “Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Özbəkistan Respublikasının Ədliyyə Nazirliyi arasında 2024-2026-cı illər üzrə Əməkdaşlıq Proqramı”nın icrası çərçivəsində həyata keçirilib.

Dövlət Agentliyinin sədri Ülvi Mehdiyevlə görüşdə Özbəkistan nümayəndə heyəti təlim proqramının yüksək səviyyədə təşkilinə görə təşəkkürünü bildirib. Qonaqlar burada qazandıqları təcrübəni və şahid olduqları yenilikləri Özbəkistandakı Dövlət Xidmətləri Mərkəzlərinin fəaliyyətində tətbiq edəcəklərini qeyd ediblər.

Sonda təlim iştirakçılarına sertifikatlar təqdim edilib.

“Ədəbiyyat və incəsənət”

(28.11.2025)