“Ədəbiyyat və incəsənət” portalının Qarabağ təmsilçisi
Bu günlərdə Ağdam Dövlət Sosial-İqtisadi Kollecinin akt zalında"İmarət" İntellektual Klubunun təşkilatçılığı və GİKM Qarabağ Regional nümayəndəliyinin dəstəyi ilə Azərbaycanın tanınmış detektiv yazıçısı Elxan Elatlı ilə gəncləringörüşü keçirilib.
Müstəqilliyimizin tarixi əhəmiyyətinə və işıqlı gələcəyin rəmzi olan savadlı gəncliyin roluna həsr olunmuş tədbirdə ədəbiyyat, mütaliə və məntiqi təfəkkürün insan formalaşmasındakı müstəsna yeri barədə səmimi dialoq qurulub. Tələbələrin böyük coşqusu ilə qarşılanan yazıçıöz yaradıcılıq sirlərini, əsərlərinin pərdəarxası məqamlarını bölüşüb və gənclərin suallarını cavablandıraraq onların intellektual potensialını yüksək qiymətləndirib.
Kollecin ictimai-mədəni həyatında mühüm iz qoyan və böyük maraq doğuran bu yaddaqalan görüş gənclərin mənəvi dünyasının zənginləşməsinə xidmət edən kitab imzalanması və xatirə şəkillərinin çəkdirilməsi ilə yekunlaşıb.
“Ədəbiyyat və incəsənət”
(02.06.2026)
