Super User
Özbəkistanda Azərbaycan ədəbiyyatının da yer aldığı “Türk ədəbiyyatının inciləri” adlı 100 cildlik kitablar seriyası nəşr edilib
Özbəkistandakı Heydər Əliyev adına Azərbaycan Mədəniyyət Mərkəzindən verilən məlumata görə Özbəkistan Respublikasının Prezidenti Şavkat Mirziyoyevin göstərişi ilə Türk dövlətlərinin şair və yazıçılarının əsərləri Özbək dilinə tərcümə olunmuş “Türk ədəbiyyatının inciləri” adlı 100 cildlik kitablar seriyası Daşkənddə “Özbəkistan” nəşriyyatında çap edilib.
“Ədəbiyyat və incəsənət” portalı xəbər verir ki, Türkdilli Dövlətlərin Əməkdaşlıq Şurasının 2019-cu il oktyabrın 15-də Azərbaycanın paytaxtı Bakı şəhərində keçirilən VII Zirvə toplantısında irəli sürülən təkliflər əsasında Özbəkistan Respublikasının Prezidenti Şavkat Mirziyoyev “Türk ədəbiyyatının inciləri” adlı 100 cildlik kitablar seriyasının hazırlanması və nəşri ilə bağlı göstəriş verib.
Özbəkistan Yazıçılar Birliyi və Elmlər Akademiyası tərəfindən hazırlanmış çoxcildlikdə ümumi Türk ədəbiyyatının ən yaxşı nümunələri, Özbəkistan, Türkiyə, Azərbaycan, Qazaxıstan, Qırğızıstan, eləcə də Türkmənistan və Macar ədəbəbiyyatına dair 629 görkəmli şair, yazıçı və mütəfəkkir əsərləri öz əksini tapıb.
Azərbaycan ədəbiyyatından Nizami Gəncəvi, İmadəddin Nəsimi, Məhsəti Gəncəvi, Əfzaləddin Xaqani, Məhəmməd Füzuli, Molla Pənah Vaqif, Heyran xanım, Natəvan, Seyid Əzim Şirvani, Hüseyn Cavid kimi 200-ə yaxın klassiklərimizin, şair və yazıçının yaradıcılığı ilə 16 cilddə təqdim olunur. Çoxcildlikdə yer almış Azərbaycan əsərlərində Özbəkistandakı Heydər Əliyev adına Azərbaycan Mədəniyyət Mərkəzinin ədəbiyyatımıza dair tərcümələrindən də geniş istifadə olunub.
“Türk ədəbiyyatı inciləri” əsərlər toplusunda Məmməd Səid Ordubadi, Məhəmməd Hadi Mirzə Ələkbər Sabir, Cəlil Məmmədquluzadə, Səməd Vurğun, Mirzə İbrahimov, Əhməd Cavad, Süleyman Rüstəm, Almas İldırım, Mikayıl Müşfiq, Rəsul Rza, Nəbi Xəzri, Bəxtiyar Vahabzadə, Xəlil Rza, Anar, Ramiz Rövşən, Sabir Rüstəmxanlı, Elçin, Yunus Oğuz, Ramiz Əskər, Səlim Babullaoğlu, Firuz Mustafa, Qənirə Paşayeva, Əkbər Qoşalının əsərləri də yer alıb.
Özbəkistanda bu möhtəşəm layihənin yaradılmasında 200-dən çox tərcüməçi, 100-dən çox ədəbiyyatşünas və mətnşünas, yazıçı, redaktor və rəssam iştirak edib. Kolleksiya 200 min nüsxə tirajla Daşkənddə çap olunub.
Cari ilin 22 noyabr tarixində Özbəkistan Dövlət Şərqşünaslıq Universitetində Türk dövlətlərinin Özbəkistandakı Səfirlikləri və Mədəniyyət Mərkəzlərinin iştirakı ilə sözügedən layihənin və nəşrlərin geniş təqdimatı keçiriləcək.
Azərbaycanı tədbirdə Özbəkistandakı Heydər Əliyev adına Azərbaycan Mədəniyyət Mərkəzinin direktoru, Səfirliyin birinci katibi Samir Abbasov təmsil edəcək.
Özbəkistandakı Heydər Əliyev adına Azərbaycan Mədəniyyət Mərkəzindən verilən məlumata görə Özbəkistan Respublikasının Prezidenti Şavkat Mirziyoyev “Türk ədəbiyyatının inciləri” adlı 100 cildlik kitablar seriyasının hazırlanması və nəşri qardaş ölkənin Türk mədəniyyəti, ədəbiyyatına böyük töhfəsi sayılır və cəmiyyət arasında böyük rezonans yaratmışdır.
Qeyd olunub ki, gələcəkdə sözügedən layihənin davam etdirilməsi, Türk dövlətlərinin müasir dövr ədəbiyyatına dair yeni-yeni şair və yazıçıların əsərləri ilə yanaşı, yalnız Türk dövlətlərini deyil, bütövlükdə Türk dünyası, Türk toplumlarının şair və yazıçılarının da əsərlərinin nəşri nəzərdə tutulub.
Mədəniyyət naziri Anar Kərimov Rabatda ICESCO-nun Baş direktoru ilə görüşüb
Mədəniyyət naziri Anar Kərimovun rəhbərlik etdiyi nümayəndə heyəti Mərakeş Krallığında səfərdədir. Səfər çərçivəsində noyabrın 20-də Rabat şəhərində, ICESCO-nun qərargahında Azərbaycan nümayəndə heyəti ilə görüş keçirilib.
“Ədəbiyyat və incəsənət” portalı Mədəniyyət Nazirliyinə istinadən xəbər verir ki, təşkilatın Baş direktoru Salim Məhəmməd əl-Malik nümayəndə heyətini salamlayaraq, 2021-ci ilin yanvarında və cari ilin mayında ölkəmizə gerçəkləşən səfərlərindən söz açıb. O, Azərbaycan Prezidenti İlham Əliyevlə görüşlərini, habelə ölkəmizin Birinci vitse-prezidenti, ICESCO-nun xoşməramlı səfiri Mehriban xanım Əliyevanın fəaliyyətlərini və ICESCO-nun elan etdiyi “Qadınlar İli” çərçivəsində “Qadınlar və qızlar elmdə” Beynəlxalq Günü münasibətilə fevralın 11-də keçirilmiş videokonfrans formatında tədbirdə çıxışını məmnunluqla xatırlayıb. Hər iki səfərində ölkəmizin işğaldan azad edilmiş ərazilərini ziyarət etdiyini deyən Salim Məhəmməd əl-Malik Azərbaycana hər zaman sevə-sevə gələcəyini bildirib.
ICESCO-nun yeni strategiyasının təşkilatın beynəlxalq nüfuzunun artmasına ciddi təsir etdiyini bildirən nazir Anar Kərimov qlobal böhranlar dönəmində sülh, ədalət və inkişaf dəyərlərinə sadiq qalmağın önəmindən bəhs edib. Nazir, bəzi təşkilatlardan fərqli olaraq, dini, milli və s. mənşəyinə rəğmən mədəni irsin qorunmasını siyasiləşdirməyən ICESCO-nun Azərbaycanın işğaldan azad edilmiş ərazilərinə gələn ilk beynəlxalq təşkilat olduğunu minnətdarlıqla qeyd edib.
Azərbaycan Prezidenti İlham Əliyevin təşəbbüsü ilə 2008-ci ildən elan edilmiş mədəniyyətlərarası dialoq naminə “Bakı Prosesi” çərçivəsində həyata keçirilən tədbirlərdə ICESCO-nun strateji tərəfdaş kimi iştirakından söz açan Anar Kərimov ölkəmiz tərəfindən 2021-ci ildə, postmüharibə dövründə elan edilmiş “Mədəniyyət naminə sülh” qlobal kampaniyasında da təşkilatın tərəfdaşlığının bizim üçün əlamətdar olduğunu deyib.
Azərbaycanın mədəniyyət paytaxtı Şuşanın bu il 270 illiyinin qeyd edilməsi haqqında məlumat verən nazir ICESCO-ya təqdim edilmiş “Şuşa – İslam Dünyasının Mədəniyyət Paytaxtı 2024” nominasiyasının da uğurlu olacağına ümidvar olduğunu bildirib.
Azərbaycan-ICESCO münasibətlərinin yüksələn xətlə inkişaf etdiyini vurğulayan nazir Prezident İlham Əliyev tərəfindən təşkilatın ölkəmizdə Regional Ofisinin açılması ilə bağlı sazişə dair müvafiq sərəncamın artıq imzalandığını məmnunluqla diqqətə çatdırıb.
Görüşdə ICESCO-nun müxtəlif bölmə rəhbərləri Azərbaycanla həyata keçirilən ortaq layihələrə dair nazirə məlumat veriblər.
Görüşdən sonra Salim əl-Malik nazir Anar Kərimovu ICESCO-nun baş qərargahında yeni yaradılmış “Peyğəmbərin Yolu” muzeyi ilə tanış edib. Bir neçə zaldan ibarət geniş və müasir muzeyin ekspozisiyasında Məhəmməd Peyğəmbərin həyatına, ailəsinə, həyat tərzinə, eləcə də Məkkə və Mədinə şəhərlərinə həsr olunmuş dəyərli eksponatlar, ədəbiyyatlar, tarixi kitablar əyani və rəqəmsal formada sərgilənir. Ekskursiyanın sonunda Anar Kərimov ölkəmiz adından muzeyə Azərbaycan dilində Qurani-Kərim hədiyyə edib. Qeyd edək Anar Kərimov yeni açılmış muzeylə tanış olan ilk xarici mədəniyyət naziridir.
Sonda ICESCO tərəfindən Azərbaycan nümayəndə heyətinin şərəfinə rəsmi ziyafət verilib.
“Qətərdə çempionat keçirmək ən axmaq şeydir” - Məşhurlar DÇ-2022-də hansı komandanı dəstəkləyirlər?
Noyabrın 20-də Qətərdə futbol üzrə 22-ci dünya çempionatına start verildi. Mundialın final görüşü dekabrın 18-də keçiriləcək. 29 gün ərzində 32 komanda dünya çempionu olmaq uğrunda mübarizə aparacaq.
Bəs görəsən, azərbaycanlı məşhurlar mundialda hansı komandalara azarkeşlik edəcəklər?
“Ədəbiyyat və İncəsənət” Oxu.Az-ın sorğunu diqqətinizə çatdırır.
Milli Məclisin deputatı Aqil Abbas Braziliyaya qonaqlıq təklifi:
“Özümü dərk edəndən Braziliyaya iştirakçılıq etmişəm. Yenə də Braziliya azarkeşlik edəcəyəm. Düzdür, almanlar daha öndədir.
Qətərdə çempionat nəzarəti ən axmaq bir şeydir. Qətərdə işlətməkdən çölə çıxmaq olmur. Futbolçuları məhv etmək lazımdır? Çempionatdan elə bir şey gözləmirəm. Necə Cənubi Afrika Respublikasında keçirdilər, maraqlı oldular, Qətərdə də maraqlı olacağına inanıram. Lakin hər halda futboldur. gücü ki, bütün oyunlara baxacağam. Çempionatın Braziliyanın olmasını istəyirəm”.
A.Abbas qeyd edib ki, Azərbaycanın mundialda iştirakını istəyirdi:
“Bəxtimiz gətirmədi, çempionata düşə bilənk. növbəti dəfə iştirak etdi. Türkiyənin də iştirak etdiyinə görə ifadə olunur. Bununla yanaşı, İtaliya kimi ölkə də kənarda qalıb”.
Hüquqşünas Sidqi Şövkət ölkə komandasına iştirakçılıq dəstəkni deyib:
“Futbol tərəfdarı deyiləm. Amma məhz bu çempionatda ölkənin millisinə güclü edəcəyəm. Qardaş Türkiyə iştirak etsəydi, daha yaxşı olardı. Hər halda finala baxacağam”.
“Yeni Sabah” MMC-nin baş redaktoru Seymur Verdizadə qeyd edib ki, ədalətli turnir olsun və ən güclü komanda çempion olsun:
“Qatı futbol tərəfdarı deyiləm. Amma Avropa və dünya çempionlarını izləyirəm. Ən böyük arzum odur ki, nə vaxtsa Azərbaycan da bu cür mötəbər turnirlərdə iştirak etsin. Hələ ki bu mümkün deyil”.
S.Verdizadə Fransa yığmasının qalib olmasını tələb etdiyini əlavə edib:
“20-dən gücləndirmək yığma komandasına dəstək edirəm. Təəssüf ki, bu dəfə Türkiyə turnirindən kənarda qaldı. Odur ki, xüsusi iştirak etməyim komanda yoxdur. İstərdim ki, ədalətli turnir olsun və ən güclü komanda çempion olsun. Amma bu komandanın Fransa olmasını istəmirəm”.
2014-cü ildə “Start a fire” mahnısı ilə Danimarkada ölkəmizi “Avroviziya” mahnı fəaliyyətində təmsil edən estrada müğənnisi Dilarə Kazımova çempionatla bağlı heç bir fikrinin olmadığını qeyd edib:
“Bu ətrafında heç bir fikrim yoxdur. Çünki bu günə qədər oyunları izləmişəm. Komandaların kimliyi haqqında məlumatsızam. Səhv fikir bildirmək istəmirəm”.
Aktyor Ə zeynalov futboljda iştirak etdiyini bildirib:
“Futbol tərəfdarı deyiləm. Amma oyunları işləyir izləyirəm. Ancaq öz komandalarımızın oyunlarını izləyirəm. Son dövrlər üzümüzə ağlayır, ona görə baxıram. “Futbol xəstəsi” deyiləm”.
Deputat Məlahət İbrahimqızı yalnız Azərbaycan və Türkiyədə iştirak edən oyunlar izləyir:
“Ümumi oyunlarla maraqlanıram. Dünya üzrə futbol oyunu. Hansı komandalar arasında olduğundan xəbərsizəm. Türkiyə və Azərbaycan oynasa, izləyərəm. Futbola əsasən kişilər baxırlar. Mənim maraq dairəm Azərbaycan, Türkiyədir. “Qarabağ” oynayanda da sevə-sevə izləyirəm. Başqa komandalar oynayanda izləmirəm. Bu komandalara da siyasi nöqteyi-nəzərindən baxıram. İnsanların indi daha vacib şeylər diqqətini çəkir”.
Yazıçı Varis Yolçuyev qatı futbol iştirakçısı olduğunu söyləyib:
“Azərbaycan heç vaxt dünya çempionatında olmur. Yaxın perspektivdə də yoxdur. Azərbaycan olmayanda Türkiyəyə qoşuluruq. Türkiyə də iştirak etmir, onlarla birlikdəib. Çempionatın gedişində hansı komandadan xoşum gəlirsə, onun iştirakçısı oluram.
Vaxtı ilə Polşaya, Argentinaya, Niderlanda, İtaliyaya azarkeşlik etmişəm. Onları çox sevirəm. Bizə uyğunluqları var. Mən futbol azarkeşiyəm. Bir oyunu belə buraxmayacağam. Lakin hələ favoritim yoxdur. Kimə tərəflik şərhimi bilmirəm”.
Dramaturq, filosof Firuz Mustafa ilə futbolla maraqlanmadığını deyib.
“Qanun” Nəşriyyat Evinin sahibi Şahbaz Xuduoğlu yalnız “Qarabağ” klubunun oyununu izlədiyini deyib:
“Mənə görə, dünyada ən maraqsız oyun futbol oyunudur. İndiki vaxtda hər kəs futbola görə dəli olub. Lakin mən izləyirəm. Yalnız “Qarabağ” komandasının oyununu izləyirəm. “Qarabağ” komandasının adına görə sevirəm. Başqa heç bir komandanı izləmirəm. Mənim üçün futbol yox səviyyəsindədir”.
Nəzrin Vahid
Ukraynanın birinci xanımı Qobustan barədə paylaşım edib
“Azərbaycan, Qobustan tarixi-bədii qoruğu. Altı mindən çox qayaüstü rəsmlərin tapıldığı unikal yer. Planetdə incəsənətin yarandığı ilk yerlərdən biri”.
“Ədəbiyyat və incəsənət” portalının məlumatına görə, bunu Ukraynanın birinci xanımı Yelena Zelenskaya Azərbaycanın Qobustan Dövlət Tarixi-Bədii Qoruğu ilə bağlı “Instagram” səhifəsində etdiyi paylaşımda bildirib.
O, burada Ukrayna dilində audiobələdçinin olmasını xüsusi vurğulayıb.
“Xarici internet saytlarında onlarla variantın mövcud olmasına baxmayaraq, Ukrayna dilini deyil, başqa dil seçmək məcburiyyətində qalmaq... Səfər zamanı muzeyə gedib audiobələdçi istəyəndə, onların çiyinlərini çəkərək - yalnız rusca deməsi... Düşünürəm ki, çoxlarımıza bu hiss tanışdır... Ancaq yaxşı xəbərim var: artıq 32 ölkədə 50 ukraynadilli audiobələdçi peyda olub”, - deyə o, əlavə edib.
Sonda o, bu layihənin həyata keçirilməsində əməyi olan hər kəsə, xüsusən də bunu mümkün edən dövlətlərə və Ukraynanın bu ölkələrdəki səfirliklərinə təşəkkür edib.
Soruşun, cavab verək: Azərbaycanın mədəniyyət nazirinə hansı yeni səlahiyyətlər verilib?
Hörmətli redaksiya. Mədəniyyət naziri Anar Kərimova yeni səlahiyyətlər verildiyi söylənilir. Söhbət hansı səlahiyyətlərdən gedir? Yoxsa, bunlar şayiədir?
İnarə Göyüşova, Bakı şəhəri
“Ədəbiyyat və incəsənət” portalı xəbət verir ki, Azərbaycanın mədəniyyət naziri Anar Kərimova həqiqətən yeni səlahiyyətlər verilib. Bununla bağlı Prezident İlham Əliyev “Azərbaycan Respublikasının Mədəniyyət Nazirliyi haqqında Əsasnamə”də dəyişiklik edilməsi barədə fərman imzalayıb.
Fərmana əsasən, nazirə dövlət büdcəsindən ayrılan vəsaitin, büdcədənkənar vəsaitin, habelə Nazirliyin strukturuna daxil olmayan tabeliyindəki qurumlar tərəfindən işlər görülməsindən və xidmətlər göstərilməsindən əldə edilən vəsaitin (o cümlədən tutulan xidmət haqlarının) sərəncamçısı olaraq, maliyyə vəsaitini bölüşdürür, ayrılmış vəsaitin həddi nəzərə alınmaqla, Nazirliyin struktur bölmələrinin, strukturuna daxil olan qurumların və strukturuna daxil olmayan tabeliyindəki qurumların işçilərinin vəzifə maaşlarına əlavələrin, maddi yardım və mükafatların verilməsini təmin etmək səlahiyyətləri verilib.
Azərbaycan Respublikası Prezidentinin 2018-ci il 6 iyun tarixli 119 nömrəli Fərmanı ilə təsdiq edilmiş “Azərbaycan Respublikasının Mədəniyyət Nazirliyi haqqında Əsasnamə”də dəyişiklik edilməsi barədə Azərbaycan Respublikası Prezidentinin Fərmanı
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Azərbaycan Respublikası Prezidentinin 2018-ci il 6 iyun tarixli 119 nömrəli Fərmanı (Azərbaycan Respublikasının Qanunvericilik Toplusu, 2018, № 6, maddə 1209, № 10, maddə 2002; 2019; № 5, maddələr 822, 825, № 10, maddə 1588, № 12, maddə 1929; 2020, № 7, maddə 892; Azərbaycan Respublikası Prezidentinin 2022-ci il 8 sentyabr tarixli 1841 nömrəli Fərmanı) ilə təsdiq edilmiş “Azərbaycan Respublikasının Mədəniyyət Nazirliyi haqqında Əsasnamə”nin 5.6.13-cü yarımbəndinin sonunda nöqtə işarəsi nöqtəli vergül işarəsi ilə əvəz olunsun və aşağıdakı məzmunda 5.6.14-cü yarımbənd əlavə edilsin:
“5.6.14. dövlət büdcəsindən ayrılan vəsaitin, büdcədənkənar vəsaitin, habelə Nazirliyin strukturuna daxil olmayan tabeliyindəki qurumlar tərəfindən işlər görülməsindən və xidmətlər göstərilməsindən əldə edilən vəsaitin (o cümlədən tutulan xidmət haqlarının) sərəncamçısı olaraq, maliyyə vəsaitini bölüşdürür, ayrılmış vəsaitin həddi nəzərə alınmaqla, Nazirliyin struktur bölmələrinin, strukturuna daxil olan qurumların və strukturuna daxil olmayan tabeliyindəki qurumların işçilərinin vəzifə maaşlarına əlavələrin, maddi yardım və mükafatların verilməsini təmin edir.”.
İlham Əliyev
Azərbaycan Respublikasının Prezidenti
Bakı şəhəri, 16 noyabr 2022-ci il
Himni oxumaqdan imtina etdilər
İran millisi ölkədəki rejim əleyhinə etirazçılara bu yolla dəstək nümayiş etdirdi
Şübhəsiz, bu gün ədəbiyyat və incəsənət sahəsinin adamları da hər kəs kimi diqqətlərini Qətərə keçirilən dünya çempionatına yönəldiblər.
Ötən gün İctimai Televiziya qarşısında oturan futbol azarkeşləri maraqlı bir president izlədilər. İranın milli futbol komandasının üzvləri İngiltərə seçməsilə oyundan əvvəl dövlət himnini oxumaqdan imtina etdilər.
“Ədəbiyyat və incəsənət” portalı xəbər verir ki, İran millisinin futbolçusu Əlirza Cahanbəxşin sözlərinə görə, bu yolla idmançılar ölkədə baş verən etirazlara dəstək və onların qurbanlarının xatirəsinə ehtiram nümayiş etdiriblər.
Qeyd edək ki, görüş İngiltərə millisinin 6:2 hesablı darmadağını ilə yekunlaşıb. Yaşıl meydanda uduzsalar da, bizsə, iranlı futbolçular siyasət meydanında qazanıblar.
Bu gün Avropa Film Festivalı çərçivəsində “Alisa və mer” filmi nümayiş olunacaq
Bu gün “CinemaPlus Dəniz Mall”da XII Avropa Film Festivalı çərçivəsində “Alisa və mer” (Alice and the Mayor) filmi nümayiş olunacaq.
Sözügedən tragikomediyanın rejissoru və ssenari müəllifi Nikolas Pariserdir.
Lion meri ekzistensial böhran içindədir. Siyasətdə 30 illik fəaliyyətindən sonra o, özünü tamamilə boş və ideyalardan məhrum olmuş kimi hiss edir. Bu problemi həll etmək üçün merin köməkçiləri parlaq zəkalı gənc bir filosofa müraciət edirlər.
Rollarda Fabris Lukini, Anais Demustye, Nora Hamzavi və başqaları çəkilib.
Film fransız dilində ingilis altyazıları ilə nümayiş olunacaq.
Teatr aktyorlarını daşıyan avtobus qəzaya uğradı, 3 nəfər həlak oldu
“Baş bəlası” adlı teatr tamaşasını Çorumda səhnələşdirdikdən sonra Samsuna doğru hərəkət edən Türkiyənin teatr truppasını aparan avtobus Çaybaşı köyü istiqamətində arxadan ağırtonnajlı yük avtomobilinə çırpılıb. 3 nəfər həlak olub, 8 nəfər yaralıdır.
Bu barədə “Ədəbiyyat və incəsənət” portalı SonDakika xəbər ajansına istinadən məlumat verir.
Yaralılar arasında ünlü sənətçi Ceyhun Fersoyun da olduğu bildirilir.
Günün fotosu: Qisas əməliyyatı
Günün fotosu: Qisas əməliyyatı
Türkiyə hərbi hava qüvvələri Suriyada və İrakda təşəkkül tapmış PPK terror qurumunun bazalarını bombardman etmişdir. Bu, kürdlərin İstanbuldakı məlum terror hadiaəsi törətmələrinə bir cavab olmuşdur.
Foto: Euronews
“Tamaşaçıların sənətçilərimizi ayaq üstündə alqışlaması insana qürur hissi verir”
Artıq hamımıza bəlli olduğu kimi, bu il dahi Azərbaycan bəstəkarı Fikrət Əmirovun anadan olmasının 100-cü ili tamam olur. Bu münasibətlə ölkəmizin bir çox yerlərində, eləcə də xaricdə dahi bəstəkarımızın yubileyi təntənəli şəkildə qeyd edilir. Gecənin ideya müəllifi, atam, Azərbaycanın Əməkdar artisti, məşhur pianoçu İslam Manafov bizə Türkiyənin möhtəşəm şəhəri olan İstanbulda belə bir konsertin keçirilməsi ilə bağlı müraciət etdikdə bunu çox böyük məmnuniyyətlə qarşıladıq və belə bir layihənin ərsəyə gəlməsində iştirakı azərbaycanlı olaraq özümüzə borc bildik. Burada əsas məqsəd azərbaycanlı gənclərin iştirakı ilə Fikrət Əmirov yaradıcılığını dünyaya çatdırmaq idi. Belə də oldu, gənc sənətçilərimiz Bakı, Almaniya, Avstriyadan gecədə iştirak etmək üçün İstanbula gəldilər. Məqsədimizə nail olduğumuz üçün özümüzü çox qürurlu və xoşbəxt hiss edirik.
“Ədəbiyyat və incəsənət” portalı xəbər verir ki, bu fikirləri AzərTAC-a müsahibəsində İstanbulun Cemal Reşit Rey konsert salonunda dahi Azərbaycan bəstəkarı Fikrət Əmirovun 100 illik yubileyi münasibətilə keçirilən konsert proqramında pianoçu olaraq iştirak edən beynəlxalq müsabiqələr laureatı, dirijor və bəstəkar Abuzər Manafzadə ifadə edib.
Pianoçu deyib: “Konsert proqramımız istər sənət, istərsə də tamaşaçıların marağı baxımından böyük uğurla keçdi. Tamaşaçıların sənətçilərimizi ayaq üstündə dəqiqələrlə alqışlaması bir azərbaycanlı olaraq insana qürur hissi verir. Biz bununla bir azərbaycanlı olaraq ölkəmizin zəngin mədəniyyətinin, incəsənətinin dünyada tanıdılmasına töhfə vermək istədik. Belə bir xalqın nümayəndəsi olduğum üçün özümü çox xoşbəxt hesab edirəm. Tədbirdə iştirak edən bütün dostlarımıza təşəkkür edirəm”.
“Layihənin ərsəyə gəlməsində başda ideya müəllifi, öz zəngin təcrübəsi ilə mənə inanılmaz dəstək verən, həyat müəllimim İslam Manafov olmaqla, İstanbul Bələdiyyəsi, eləcə də layihəni çox böyük məmnuniyyətlə qəbul edən Cemal Rəşit Rey konsert salonunun sənət müdiri, dirijor Murat Cem Orhana təşəkkürümü bildirirəm”, - deyə Abuzər Manafzadə bildirib.
