İlhamə Məhəmmədqızı, “Ədəbiyyat və incəsənət” portalının Sumqayıt təmsilçisi
Sumqayıt şəhər Heydər Əliyev Mərkəzində Azərbaycan Yazıçılar Birliyi Sumqayıt bölməsi və Sumqayıt Dövlət Rəsm Qalereyasının birgə təşkilatçılığı ilə Ümummilli Lider Heydər Əliyevin 102 illik yubileyinə həsr edilmiş tədbir keçirilib.
Əvvəlcə qonaqların iştirakı ilə dahi şəxsiyyətin Sumqayıta səfərlərini əks etdirən sərgiyə baxış olub.
Sumqayıt Tarixi Muzeyinin əməkdaşı Sevinc Əmirovanın təqdimatı ilə sərgi maraqla izlənilib.
Dəyirmi masa ətrafında davam edən görüşdə Ulu Öndərin və şəhidlərimizin əziz xatirəsi bir dəqiqəlik sükutla yad edilib, Azərbaycanın Dövlət Himni səsləndirilib.
Moderator Hafiz Ataxanlı çıxış üçün qonaqlara söz verib.
Azərbaycan Yazıçılar Birliyi Sumqayıt bölməsinin sədri Gülnarə Cəmaləddin, Sumqayıt Rəsm Qalereyasının direktoru Ellada Həsənova, Əli Kərim adına Poeziya klubunun direktoru İbrahim İlyaslı, Əməkdar rəssam Fazil Abbasquluzadə, şəhid atası, şair Zakir Zahir, digər ziyalılar Şahin Şəfiyev, Lilpar Cəmşidqızı, Mirzəcan Ağabalyev, Mənsurə Xələfbəyli, Polad İbrahimoğlu, Etibar Bənnayev və başqaları Ulu Öndərin həyat və fəaliyyətindən, ədəbiyyat və incəsənət adamlarına olan diqqət və qayğısından, müstəqilliyin qorunub saxlanılması istiqamətindəki əvəzsiz xidmətlərindən danışıblar, böyük dühaya həsr etdikləri şeirlərini səsləndiriblər.
Tədbirin sonunda xatirə şəkilləri çəkilib.
“Ədəbiyyat və incəsənət”
(08.05.2025)
