Festival 22-26 iyun 2022-ci il tarixlərində keçiriləcək

Müğənni Billi Ayliş Britaniyanın nüfuzlu Glastonbury musiqi festivalı tarixində ən gənc solo hedlayderi olacaq. Bu barədə bazar ertəsi festival təşkilatçıları öz Tvitter səhifələrində status paylaşıbıar.
Status belədir:
"Billi Aylişin gələn il Glastonbury festivalında Pyramid Stage hedlayderi olacağını və bununla da onun tariximizdə ən gənc solo hedlayderi olacağını bildirməkdən xoşbəxtik. Bu, bizim yenidən festivala qayıtmağımız üçün mükəmməl bir yoldur və artıq gözləyə də bilmirik, səbirsizik” - festivalın təşkilatçılarından biri Emili İvis bildirib. Pandemiya səbəbindən iki ildir təxirə salınan festivalın 2022-ci ilin iyununda - 22-26 iyun tarixlərində keçiriləcək. Billi Ayliş
24 iyun 2022-ci ildə - cümə axşamı çıxış edəcək.
Ötən il Glastonbury 50 illiyini qeyd etmək təntənəsini yaşamaq istəmişdi, lakin koronavirus  pandemiyasına görə ləğv edilmişdi.
Öz növbəsində, Britaniyanın BBC Yayım Korporasiyası bildirib ki, Ayliş 2016-cı ildən etibarən ilk qadın-hedlayder olacaq. 2020-ci ildə festivalda Taylor Svift çıxış etməli idi, lakin pandemiyaya görə bu baş vermədi və Taylor öz mövqeyini Aylişə təslim etməli oldu.
Aylish 2019-cu ildə Glastonbury-də  debüt edib. O zamandan ta ki 2021-ci ildə buraxılmış ikinci studiya albomu olan Happier Than Ever-ə qədər Ayliş bir çox Grammy və Brit mükafatı qazanıb.
Daha bir xəbər. Ötən həftə Ayliş Ceyms Bond haqqında "Ölmək vaxtı deyil” filminin premyerasında qırmızı xalçada peyda olmuşdu. Filmdə o, böyük musiqi kompozisiyanı ifa edib. Ayliş amerikalı müğənni Finneas O ' Konnel, eləcə də bəstəkar Hans Zimmer və The Smith musiqi qrupunun banisi Conni Marrla birgə bu kompozisiyanı yazıblar.
Sonda izah üçün bildirək ki, festivalın solo hedlayderi o şəxsdir ki, əsas diqqət mərkəzində duracaq, adı afişalarda gedəcək, bir sözlə, festivalın əsas siması, gözü olacaq.