Əsas sual - “İlin ifaçısı” kim oldu?
Bu, hamımızın yaxşı tanıdığı, yeniyetməliyindən musiqi Olimpinə yüksəlməyi bacarmış bir gəncdir - kanadalı müğənni Jastin Biber!
MTV Video Musiqi Mükafatlarının (MTV VMA) ən əsası hesab edilən "İlin ifaçısı" mükafatının bazar günü gecədən xeyli keçmiş keçirilən mərasimdə (mərasmin yayımı MTV telekanalının canlı efirində keçirilirdi) Biberə qismət olması onu çox xoşbəxt etdi, Biber qeyd etdi ki, ötən il koronavirus pandemiyasına görə hamı üçün asan olmayıb və onu qələbələrə ruhlandırdığl üçün bu il evləndikləri həyat yoldaşı Hayley Bolduinə xüsusi təşəkkür edir. Bu barədə “Ədəbiyyat və incəsənət” portalı Euronews-a istinadən məlumat verir.
Qeyd edək ki, Kanada pop müğənnisi bu mükafat uğrunda Ariana Grande, Doja Cat, Megan Piti (Megan Thee Stallion), Olivia Rodrigo və Taylor Svift kimi tanınan ulduzlarla mübarizə aparmışdır.
Bundan başqa, kanadalının Dezman Evans (Giveon) və Eşton Simmonds (Daniel Caesar) ilə Peaches adlı birgə kompozisiyası "Pop-musiqi" kateqoriyasında ən yaxşı kompozisiya elan edilərək mükafatlandırıldı.
Amma MTV mükafatlandırma mərasimində əsas mükafat nədənsə “İlin ifaçısı” deyil, “İlin videosu” mükafatı hesab edilir. Bu ilin ən yaxşı videoklipinə görə Amerika reperi
Lil Nas X 2021 MTV Video Musiqi Mükafatlarının əsas mükafatı hesab edilən “İlin videosu” kateqoriyasının qalibi oldu. Reperə uğur qazandıran Call Me By Your Name albomundan olan Montero mahnısı olub. Bindan əlavə, Lil Nas X daha bir mükafat qazandı. O, özü rejissorluq etdiyi bu klipinə görə “Ən yaxşı rejissorluğa  görə” mükafatına da layiq görüldü.
Lil Nas X ilə əsas mükafat uğrunda  “Kiss me more” mahnısı ilə Amerika müğənnisi Doja Cat, “Bad habits” mahnısı ilə Ed Şiran, Save Your Tears treki ilə kanadalı The Weeknd, WAP mahnısı ilə ifaçılar Cardy Bi və Megan Thee Stallion, eləcə də Popstar kompozisiyası ilə müğənnilər DJ Khaled və Drake rəqabət aparırdılar.
Beləcə, növbəti MTV mükafatları öz sahiblərinə qovuşdu. Ən əsası - bu ilin avqustunda 40 yaşı tamam olmuş telekanalın mükafatı öz adi formatına qayıtdı - bütün mükafatlar azarkeşlərin iştirakı ilə Bruklində -  Barclays Center-in qapalı idman arenasında təqdim edildi.
MTV Video Musiqi Mükafatları 1984-cü ildə MTV musiqi telekanalı tərəfindən təsis edilib və sonradan videokliplərin yaradılması sahəsində ən nüfuzlu mükafatlardan birinə çevrilib. Onun laureatlarına ənənəvi olaraq telekanalın loqotipinin təsvir olunduğu bayraq, habelə  skafandrda astronavt şəklində heykəlciklər təqdim olunur.

Şəkillərdə: Lil Nas X və Castin Biber