İmran Verdiyev,

Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçis

Oğuz rayon Mədəniyyət Mərkəzində Ümummilli Lider Heydər Əliyevin anadan olmasının 103-cü ildönümü münasibətilə Oğuz Rayon İcra Hakimiyyətinin dəstəyi, Yeni Azərbaycan Partiyası(YAP) Oğuz rayon təşkilatı, Şəki-Zaqatala Regional Gənclər və İdman idarəsinin və Şəki-Zaqatala Regional Təhsil İdarəsinin Oğuz rayon üzrə Təhsil sektorunun birgə təşkilatçılığı ilə rayonun orta ümumtəhsil məktəblərinin şagirdlərindən ibarət komandalar arasında "Xəmsə" Milli İntellektual Oyunu keçirilib.

Tədbirdə Yeni Azərbaycan Partiyası Oğuz rayon təşkilatının sədri Saleh Məhərrəmov, Oğuz Rayon İcra Hakimiyyəti başçısının müavini Aliyə Osmanova, Şəki-Zaqatala Regional Gənclər və İdman idarəsinin Oğuz rayonu üzrə gənclər və idman sektorunun müdiri Şaiq Rüstəmov, Elm və Təhsil İşçiləri Həmkarlar İttifaqı Oğuz rayon Komitəsinin sədri Fərman İbrahimov, Şəki-Zaqata Regional Təhsil idarəsinin Oğuz rayon üzrə Təhsil sektorunun əməkdaşları, məktəb direktorları və rayonun orta ümumtəhsil məktəblərinin şagirdlərindən ibarət komandaları iştirak ediblər.

Tədbirdə Dövlət himnimiz səsləndirildikdən sonar Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edildi.

Çıxış edənlər, YAP Oğuz rayon təşkilatının sədri Saleh Məhərrəmov, Oğuz Rayon İcra Hakimiyyəti başçısının müavini Aliyə Osmanova bildirdilər ki, Ulu Öndər Heydər Əliyevin müdrikliyi, siyasi iradəsi və milli maraqlara əsaslanan fəaliyyəti sayəsində Azərbaycan tarixin ən mürəkkəb mərhələlərindən uğurla çıxmış, sabit və güclü dövlət kimi formalaşmışdır. Qeyd olundu ki, Ümummilli Lider xalqın birlik və həmrəyliyini təmin edərək ölkəmizdə sabitlik, inkişaf və tərəqqinin əsasını qoyub. Bu gün bölgələrdə həyata keçirilən genişmiqyaslı layihələr, əhalinin sosial rifahının daha da yüksəldilməsi məhz Dahi Liderin siyasi kursunun Prezident İlhma Əliyev tərəfindən layiqincə davam etdirilməsinin nəticəsidir.Ulu Öndər Heydər Əliyevin təhsilə və gənc nəslin yetişməsinə verdiyi önəm xalqımızın firavan gələcəyini formalaşdıran ən mühüm istiqamətlərdən biri olub: “Ümummilli Lider vurğulayıb ki, təhsil millətin gələcəyidir. Bu ideyaların davamı olaraq Prezident İlham Əliyev ölkəmizdə peşəkar kadrların hazırlanması və milli dəyərlərə bağlı gənclərin yetişdirilməsinə böyük diqqət göstərir”.Çıxış edənlər Ümummilli Lider Heydər Əliyevin anadan olmasının 103-cü ildönümü münasibətilə rayonumuzda keçirilən tədbirlərdən, rayonumuzun orta ümumtəhsil məktəblərinin şagirdlərindən ibarət komandalarının intellektual oyunlarda uğurlu çıxışlarından bəhs etdilər və yarış iştirakçılarına uğurlar arzuladılar.

Sonra oyunun aparıcısı yarışın qaydaları haqqında komandalara məlumat verdi.

Oyun komandaların maraqlı mübarizəsi şəraitində keçdi. 24 komanda arasında I yeri M.F.Axundov adına Xaçmaz kənd 1N-li orta ümumtəhsil məktəbinin komandası, II yeri N.İbrahimli adına Oğuz şəhər 3 saylı məktəb-liseyin komandası, III yeri E.Abdullayev adına Oğuz şəhər 2 saylı Texniki-Təbiət təmayüllu Liseyin komandası əldə etdi.

Qaliblər, Oğuz Rayon İcra Hakimiyyətinin, Yeni Azərbaycan Partiyası Oğuz rayon təşkilatının və Şəki-Zaqatala Regional Gənclər və İdman İdarəsinin diplom və kuboku ilə təltif edildilər.

“Ədəbiyyat və incəsənət”

(24.04.2026)