Rəqsanə Babayeva, “Ədəbiyyat və incəsənət”
Mil-Muğan Regional Mədəniyyət İdarəsi Beyləqan şəhər Niyazi adına Uşaq Musiqi Məktəbində lI Yarımilin iş planına uyğun olaraq, şagirdlərdə milli və klassik musiqiyə marağın artırılması, yaradıcılığının təbliği, musiqi irsimizin qorunması və gənc istedadların səhnə təcrübəsinin zənginləşdirilməsi məqsədilə, görkəmli Azərbaycan bəstəkarı, SSRİ Xalq artisti Qara Qarayevin anadan olmasının 108-ci ildönümünə həsr olunmuş “Qara Qarayev: İrsimiz gələcəyimiz” adlı musiqili tədbir keçirilib.
Tədbirdə məktəbin müəllim-şagird kollektivi, valideyinlər və mədəniyyət müəssisələrinin əməkdaşları iştirak edib.
Tədbirdə bəstəkarın həyatı və yaradıcılıq yolu, Azərbaycan professional musiqisinin formalaşmasında və inkişafında göstərdiyi müstəsna xidmətlər barədə məlumat verilib, onun zəngin irsinin gənc nəslin musiqi tərbiyəsində mühüm rol oynadığı vurğulanıb.
Tədbirin bədii hissəsində Qara Qarayevin fortepiano üçün bəstələdiyi əsərlərin şagirdlər tərəfindən yüksək məharətlə ifası dinləyicilər tərəfindən böyük maraq və alqışlarla qarşılanıb, həmçinin məktəbin müəllimlərdən ibarət xor kollektivinin ifasında Qara Qarayevin məşhur “Gənclik” mahnısının səslənməsi tədbirə xüsusi rəng qatıb.
“Ədəbiyyat və incəsənət”
(09.02.2026)
