İmran Verdiyev,

Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Oğuz rayonunun qədim Baş Daşağıl kəndindəki Sənətkarlıq klubunda, həvəskar musiqiçi, sintizator ifçısı, gözdən əlil, Uşaq İncəsənət Festivalı iştirakçısı, Oğuz rayon Uşaq Musiqi məktəbinin şagirdi Zəhra Novruzovanın ilk konserti təşkil edilib.

Tədbirdə əvvəlcə Dövlət himnimiz səsləndirilib, sonra Vətən uğrunda həlak olmuş Şəhidlərimizin əziz xatirəsi bir dəqiqəlik sükutla yad olunub.

Daha sonra Oğuz rayon Baş Daşağıl kənd Sənətkarlıq klubunun müdiri R.Abdurəfiyev həvəskar sintizator ifaçısı Zəhra Novruzovanın uğurları barədə məlumat vermişdir. 

Tədbirdə Z.Novruzovanın solo çıxışı olmuşdur. Daha sonra isə o  özünün sevimli mahnılarını Oğuzun tanınmış müğənniləri ilə birlikdə də ifa etmişdir.

Tədbirdə Oğuz rayon İcra Hakimiyyətinin əməkdaşı A.Ağayev, Baş Daşağıl kənd Ərazi İdarəetmə üzrə İcra Nümayəndəsi T.Məmmədov,   Bucaq kənd Bələdiyyəsinin sədri R.Əhmədov, Baş Daşağıl kənd sakinləri həvəskar musiqiçi Z.Novruzovanın yaxın qohumları, həmçinin Zəhra Novruzuzovaya mənəvi dəstək olmaq üçün Bakı şəhərindən gələn əslən Oğuz rayon Sincan kəndindən olan tanınan və sevilən müğəni Tərlan Oğuzlu və Oğuz rayon Dəymədərə kəndindən qonaq qismində iştirak edən müğəni Ülvi Oğuzlu, eləcədə tədbirin ərsəyə gəlməsində, Zəhra Oğuzlunun ilk solo konsertinin təşkil olunmasında Oğuz rayon Mədəniyyət Mərkəzinin direktoru Anar Hüseyinov, Oğuz rayon Mədəniyət Mərkəzinin əməkdaşı Mirməhəmməd Malıyevin böyük zəhməti olmuşdur.

 Oğuz Rayon İcra Hakimiyyətinin əməkdaşı Ayaz Ağayev  Oğuz rayon İcra Hakimiyyətinin Başçısı Cavid Əbdul-Qədirovun fəxri fərmanını və hədiyyəsini,   Zəhra Novruzovaya təqdim etmiş, onu təbrik etmişdir.

Tədbirin təşkilinə görə Oğuz rayon Baş Daşağıl kənd kənd sakinləri və tədbir iştirakçıları yaradıcı insanlara, istedalı şəxslərə; göstərdiyi mənəvi dəstəyə görə Oğuz rayon İcra Hakimiyyətinin Başçısı Cavid Əbdul-Qədirova, Oğuz rayon Mədəniyyət Mərkəzinin direktoru A.Hüseyinova, Oğuz rayon Baş Daşağıl kənd Sənətkarlıq klubunun əməkdaşlarına öz minəttdarlıqlarını bildirdilər.

“Ədəbiyyat və incəsənət”

(22.09.2025)