İmran Verdiyev,

Azərbaycan Respublikasının Əməkdar müəllimi.

“Ədəbiyyat və incəsənət” portalının Oğuz təmsilçisi

İyunun 23-də Oğuz rayon Mərkəzi Kitabxana Sisteminin 12 nömrəli Tayıflı, 23 nömrəli Xaçmaz, 7 nömrəli Xalxal, 4 nömrəli Bucaq kənd kitabxana filiallarının birgə əməkdaşlığı ilə 13 nömrəli Kərimli kənd kitabxana filialında "Müasir oxucu: Kitab və inkişaf" adlı maarifləndirici və inkişafyönümlü layihə çərçivəsində Azərbaycan aşıq ədəbiyyatının görkəmli simalarından olan Aşıq Alının 225 illik yubileyi ilə əlaqədar " Saza könül verən ustad" adlı poeziya gecəsi keçirilib.

Çıxışlarda qeyd olunub ki, Aşıq Alı ədəbi irsi bizə məhdud kəmiyyətdə gəlib çatsa da, o, Azərbaycan aşıq sənətinin ən böyük nümayəndələrindən biridir.

Tədbirdə iştirak edən kitabxanaçılar mövzu ilə bağlı çıxış edərək, Aşıq Alının yaradıcılığından bəhs etmiş, onun şeirlərini səsləndiriblər.

Kərimli kənd kitabxana filialının fəal üzvləri Aşıq Alı ilə Aşıq Ələsgərin deyişməsini səhnələşdirib, şeirlərini söyləyiblər.

Aşıq Alının 225 illik yubileyi ilə əlaqədar "Saza könül verən ustad" adlı sərgi təşkil edilib.

“Ədəbiyyat və incəsənət”

(24.06.2025)