Bölgə

İmran Verdiyev,

Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Şəki-Zaqatala Regional Mədəniyyət İdarəsinin dəstəyi, Oğuz rayon Uşaq Musiqi məktəbinin və Mirzə Fətəli Axundzadə adına Mədəniyyət Mərkəzinin tabeliyində fəaliyyət göstərən "Narınqala" şəhər Folklor evinin birgə təşkilatçılığı ilə Xalq şairi Bəxtiyar Vahabzadənin anadan olmasının 100 illiyinə həsr olunmuş "Sənin haqqındır azadlıq " adlı ədəbi-bədii tədbir keçirilib.

Əvvəlcə Azərbaycan Respublikasının Dövlət Himni səsləndirilib, B.Vahanzadənin və vətənimizin azadlığı və suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə çıxış edənlər qeyd ediblər ki, Bəxtiyar Vahabzadə nəinki Azərbaycanın, eləcə də bütün Türk dünyasının qüdrətli söz ustalarındandır. Onun əsərləri Azərbaycanda olduğu kimi qardaş türk respublikalarında da oxunur, sevilir.

Bədii hissədə Oğuz rayon Uşaq Musiqi məktəbinin müəllimlərindən ibarət ansamblının ifasında şairin sözlərinə bəstələnmiş mahnılar ifa olunub, şeirlər səsləndirilib. Eyni zamanda Şəki şəhər Uşaq İncəsənət məktəbinin rəqs kollektivinin bir-birindən maraqlı rəqsləri tədbirə rəng qatıb.

“Ədəbiyyat və incəsənət”

(23.06.2025)