İlhamə Məhəmmədqızı, “Ədəbiyyat və incəsənət”

Azərbaycan Yazıçılar Birliyi Sumqayıt bölməsinin, Ə.Kərim adına Poeziya Klubunu birgə təşkilatçılığı ilə AYB-nin əməkdaşı, şair Güləmail Muradın şəhidlərimizin ömür və döyüş yolundan bəhs edən "Beş ulduz" kitabının təqdimatı keçirilib. 

Öncə Azərbaycan torpaqlarının bütövlüyü uğrunda canlarını fəda etmiş Vətən oğullarının xatirəsi yad edilib.

AYB Poeziya seksiyasının rəhbəri, Poeziya Evinin direktoru İbrahim İlyaslı giriş sözü ilə çıxış edib.

AYB Sumqayıt bölməsinin sədri Gülnarə Cəmaləddin tədbirin məqsəd və məramından söz açıb.

Çıxış edənlər - Ofelya Babayeva, Əsəd Cahangir, Rafiq Yusifoğlu, Osman Ənvəroğlu, Lilpar Cəmşidqızı, Əzizə Ağahüseynqızı, Əlisəfa Əhmədoğlu, Aygün Hacıyeva və başqaları belə bir kitabı araya- ərsəyə gətirdiyi üçün müəllifə təşəkkür edbilər.

Sonda Güləmail xanım tədbirin təşkilatçılarına, iştirakçılarına dərin təşəkkürünü bildirib, şeirlərini oxuyub.

General M.Əsədov adına İnteqrasiya təlimli İnternat tipli gimnaziyanın şagirdi Emil Ramazanlı müəllifin şəhidlərimizə yazdığı şeiri ifa edib.

Tədbir boyu şairin sözlərinə bəstələnmiş vətənpərvərliyi tərənnüm edən mahnılar səsləndirilib.

“Ədəbiyyat və incəsənət”

(08.05.2025)