İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Oğuz Rayon Mərkəzi kitabxanasının oxuculara xidmət və uşaq şöbəsinin təşkilatçılığı ilə ümummilli lider Heydər Əliyevin doğum günü və 2025-ci ilin “Konstitusiya və Suverenlik ili” elan olunması çərçivəsində “Heydər Əliyev və Suveren Azərbaycan” adlı oxucu konfransı keçirilib. 

Tədbirdə Oğuz rayon İcra Hakimiyyətinin məsul işçiləri Ehsan Əhmədov, Əhməd Ağababayev, Ağsaqqallar şurasının sədri Etibar Yusifov, YAP Oğuz rayon təşkilatının sədr müavini Mehman Ramazanov, Şəki Zaqatala Regional Gənclər və İdman ldarəsinin Oğuz rayonu üzrə sektor müdiri Şaiq Rüstəmov, baş məsləhətçi Aytən Daşdəmirova, Azərbaycan Yazıçılar Birliyinin üzvü, Oğuzlu şair-tədqiqatçı Yusif Rzayev, Oğuzlu yazar Şükufə Ruhlu, Heydər Əliyev Mərkəzinin, Tarix Diyarşünaslıq muzeyinin əməkdaşları və fəal oxucular iştirak edib.

Konfransda əvvəlcə Dövlət Himni səsləndirilib və ulu öndər Heydər Əliyevin və şəhidlərimizin əziz xatirəsi anılıb.

Mərkəzi kitabxananın əməkdaşı giriş nitqi ilə tədbiri açaraq, şərəfli ömrünü Azərbaycana fəda etmiş ümummilli lider Heydər Əliyevin həyatı, ictimai-siyasi fəaliyyəti haqqında çıxış edib. Daha sonra “Konstitusiya və Suverenlik ili” barədə məlumat verilmiş, konstitusiya quruculuğu və suverenliyimizin bərpa olunması barədə informasiya təqdim olunmuşdur.

 Konfransdakı məruzə və çıxışlarda ulu öndərin Azərbaycan xalqı qarşısında əvəzsiz xidmətləri haqqında geniş məlumat verilib.  

Vurğulanıb ki, Ulu Öndərin bilavasitə rəhbərliyi ilə hazırlanmış, 1995-ci il noyabrın 12-də qəbul olunmuş AzərbaycanRespublikasının ilk Konstitusiyası ölkəmizdə genişmiqyaslı qanunvericilik və institusional islahatların əsasını təşkil edib. Bu Konstitusiya dövlətimizinmüstəqilliyinin, suverenliyinin və ərazi bütövlüyünün qorunması, hüquqi, dünyəvi dövlət quruculuğu, vətəndaşlarımızın layiqli həyat səviyyəsinin,dünya ölkələri ilə dostluq və əmin-amanlıq şəraitində əməkdaşlığın təmin edilməsi kimi ali niyyətlərin həyata keçirilməsi üçün mühüm qanunvericilikbazası rolunu oynamışdır. 2020-ci il sentyabrın 27-də Ermənistanın təxribatlarına cavabolaraq başlanmış Vətən müharibəsində tarixi qələbə və 2023-cü il sentyabrın 19–20-də həyata keçirilmiş uğurlu antiterror əməliyyatı nəticəsində ölkəmizinərazi bütövlüyü və suverenliyi tam bərpa edilmiş, Konstitusiyasının hüquqi qüvvəsi işğalın aradanqaldırıldığı bütün ərazilərdə bərqərar olmuşdur.

Tədbirdə “Müstəqil Azərbaycanın memarı-Heydər Əliyev” adlı videoçarx nümayiş etdirilib.

“Ədəbiyyat və incəsənət”

(07.05.2026)