İnci Məmmədzadə,

“Ədəbiyyat və incəsənət” portalının Xəbərlər və Təqvim şöbəsi

Elizabet Şu (Elisabeth Judson Shue) — amerikalı aktrisa və prodüserdir. O, xüsusilə 1980–1990-cı illərin məşhur filmləri, daha sonra isə “CSI”, “The Boys” və “Cobra Kai” seriallarındakı rolları ilə tanınır. 6 oktyabr 1963cü ildə dünyaya gəlib.

Elisabeth Shue aktyorluğa hələ yeniyetmə yaşlarında televiziya reklamlarında çəkilərək başlayıb. Onun ilk reklam işlərindən biri Burger King üçün olmuşdu. Daha sonra kino sahəsinə keçərək 1984-cü ildə “The Karate Kid” — “Karateçi” filmində Ali Mills obrazını canlandırdı. Bu rol onun geniş auditoriya tərəfindən tanınmasına səbəb oldu.

Əsas filmləri

1984 — “The Karate Kid” — “Karateçi”

Ali Mills obrazı ilə böyük şöhrət qazanıb

1987 — “Adventures in Babysitting” — “Dayə macəraları”

Chris Parker rolunu oynayıb və filmin əsas qəhrəmanı kimi çıxış edib.

1988 — “Cocktail” — “Kokteyl”

Tom Kruzla birlikdə rol aldı.

1989 — “Back to the Future Part II” — “Gələcəyə qayıdış 2”

Jennifer Parker obrazını canlandırıb

1990 — “Back to the Future Part III” — “Gələcəyə qayıdış 3”

Jennifer Parker rolunda yenidən görünüb.

1991 — “Soapdish” — “Sabun operası”

1995 — “Leaving Las Vegas” — “Las-Veqası tərk edərkən”

Onun karyerasının ən mühüm filmlərindən biridir. Shue Sera adlı qadını canlandırıb. Bu performansına görə “Ən yaxşı qadın rolu” nominasiyasında Oskar, Qızıl Qlobus və BAFTA daxil olmaqla bir sıra mühüm mükafatlara namizəd olub.

1997 — “The Saint” — “Müqəddəs”

Val Kilmerlə birlikdə Dr. Emma Russell rolunda çəkilib.

2000 — “Hollow Man” — “Görünməz adam”

Paul Verhoevenin elmi-fantastik trillerində Linda McKay obrazını oynayıb.

2010 — “Piranha 3D” — “Piranha 3D”

Qorxu janrında çəkilmiş filmdə Julie Forester rolunu canlandırıb.

2017 — “Battle of the Sexes” — “Cinslərin döyüşü”

2018 — “Death Wish” — “Ölüm arzusu”

2020 — “Greyhound” — “Qreyhaund”

Televiziya fəaliyyəti

Shue televiziya ekranlarında da uğurlu karyera qurub.

“CSI: Crime Scene Investigation” — Julie Finlay

“The Boys” — Madelyn Stillwell

“Cobra Kai” — Ali Mills

“On the Verge”

“Super Pumped”

Xüsusilə “Cobra Kai” serialında onun illər əvvəl “The Karate Kid” filmində oynadığı Ali Mills obrazına qayıtması tamaşaçılar üçün nostalji məqam olub.

Elisabeth Shue aktyorluqla yanaşı təhsilinə də ciddi yanaşıb. O, Harvard Universitetində siyasi elmlər üzrə təhsil alıb və 2000-ci ildə universiteti bitirib.

Elisabeth Shue-nun karyerasında ən böyük dönüş nöqtələrindən biri “Leaving Las Vegas” (1995) filmi olub. 1980-ci illərdə əsasən romantik və gənc qadın obrazları ilə tanınan aktrisa bu filmdə daha mürəkkəb və dramatik obraz yaradaraq ciddi aktyorluq qabiliyyətini nümayiş etdirib. Tənqidçilər tərəfindən onun karyerasının ən güclü performanslarından biri hesab olunur.

Shue bu gün də ABŞ kino və televiziya dünyasında fəaliyyətini davam etdirən, xüsusilə “The Karate Kid”, “Back to the Future”, “Leaving Las Vegas”, “CSI”, “The Boys” və “Cobra Kai” ilə yadda qalan aktrisalardandır.

“Ədəbiyyat və incəsənət”

(06.10.2026)