Nemət Tahir, 

“Ədəbiyyat və incəsənət” portalının Qarabağ təmsilçisi

Aişə Məhəmmədzayın 12 yaşı olanda valideynləri onu bir  “Taliban” döyüşçüsünə ərə verəcəyinə vəd edirlər. 14 yaşında isə onu məcburən həmin adama  ərə verirlər. Evliliyi zamanı Aişə əri və onun bütün ailəsi tərəfindən daim zorakılığa məruz qalır. 18 yaşında bütün bu zorakılığa dözməyən qız evdən qaçır. Amma onu tutulur. Əri və qohumlarına itaətsizlik etdiyinə görə, onu dağlara aparıb, orada burnunu və qulağını kəsirlər.

Bəli, bəli. Vəhşiliyin miqyasına baxın.

Çoxlu qan itirən qızın belə vəziyyətdə öləcəyinə inanıb, onlar oranı  tərk edirlər. 

Lakin Aişə sağ qalır. Qan işində sürünərək dayısının evinə kimi gedə bilir. Amma dayısı ona kömək etməkdən imtina edir. Nəhayət, xəbər tutan atası və babası onu Əfqanıstandakı Amerika hərbi bazasında gizlədirlər. “TIME” jurnalının üz qabığında onun eybəcər hala salınmış fotosu peyda olandan sonra, qızın acı taleyi dünya ictimaiyyətinin diqqətini cəlb edir. 

ABŞ-a aparılan Aişə burada bir çox əməliyyat keçirir. Həkimlər qızın alnındakı toxuma və bədənindəki qığırdaqlardan istifadə edərək, burnunu  bərpa edə bilirlər. Amma həkimlər qızın təkcə burun və qulağının  fiziki bərpası ilə yanaşı, həm də onun aldığı ağır psixi travması, stresə səbəb olan tutmaları və emosional pozuntuları ilə də hələ ox  məşğul olmalı olurlar. 

Hazırda Aişə ABŞ-ın Merilend ştatında  yaşayır.

Hüquqsuz qadınlara qarşı bu sayaq hərəkətlər əlbət ki, həmin coğrafiyada indi də davam edir. Dur, dayan deyənsə yoxdur. 

“Ədəbiyyat və incəsənət”

(20.10.2029)