“Ulduz”dərgisinin oktyabr sayı işıq üzü görüb və dərgi böyük Azərbaycan şairi və mütəfəkkiriXaqani Şirvaninin 900 illik yubileyinə həsr olunub.

AMEA-nın N.Gəncəvi adına Ədəbiyyat İnstitutu, “Təhsil Nəşriyyat Poliqrafiya” MMC vədərginin birgə layihəsi kimi işıq üzü görən xüsusi nömrə böyük Azərbaycan şairi Xaqani Şirvaninin 900 illik yubileyinin qeyd edilməsi haqqında Azərbaycan Respublikası Prezidentinin Sərəncamı ilə açılır.

“Ulduz”un redaksiyasından aldığımız məlumata görə, buraxılışda Xaqani Şirvani haqqında müxtəlif  dövrlərdə qələmə alınmış yazılar yer alır. Bu sayda  filologiya elmləri doktoru, professor Qafar Kəndli Herisçinin  “Xaqani Şirvaninin həyatı”,  AMEA-nın prezidenti, akademik  İsa Həbibbəylinin “Böyük Azərbaycan şairi Xaqani Şirvani”, ədəbiyyatşünas, tərcüməçi, filologiya elmləri namizədi Məmmədağa Sulatnovun “Xaqani Şirvani və Yaxın Şərq ədəbiyyatı”, AMEA-nın müxbir üzvü Azadə Rüstəmin  “Xaqani “Mən”i  öz  sənətində”, AMEA-nın müxbir üzvü Mahmud İsmayılovun  “Həbsdə”,  AMEA-nın müxbir üzvü  Nüşabə Araslının  “Nəvainin fəlsəfəsi qəsidələrində Xaqani təsiri”, filologiya elmləri doktoru, professor  İmamverdi Həmidovun “Ərəb şairi Buhturinin “Şiniyyə” qəsidəsi ilə Xaqani Şirvaninin “Mədain xərabələri”nin müqayisəli öyrənilməsi”,  filologiya üzrə fəlsəfə doktoru, dosent Lalə Əlizadənin  “Xaqani Şirvani lirikasının bədii siqləti”, filologiya elmləri doktoru, dosent Könül Hacıyevanın “Xaqani qəsidələrinin tərcüməsi zamanı yol verilən təhriflər haqqında”, filologiya üzrə fəlsəfə doktoru, dosent  Elnarə Zeynalovanın  “Xaqani Şirvaninin əsərlərində ərəb-islam mədəniyyətinə dair cəhətlər”, Azərbaycan Yazıçılar Birliyinin Gənclər Şurasının sədri, şair Fərid Hüseynin “Ağla ki, ağlayasan...”, Dilarə Adilgilin “Xaqani Şirvani yaradıcılığı müasirlik kontekstində”yazıları çap olunub.

“Dərgidə kitab”da yaradıcılığından seçmələrlə Odur – “Xaqanı olmuşdur sözün xaqanı...”

“Ədəbiyyat və incəsənət”

(04.11.2026)