Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında həyata keçirilən layihələrə yazıçılar, şairlər öz yeni əsərlərini mütamadi olaraq təqdim edirlər.

“Ədəbiyyat və incəsənət” portalına Kitabxanadan verilən məlumata görə, kitabxananın Fəxri oxucusu, “Tərəqqi” medalı laureatı, BMT yanında Ümumdünya Sülh Federasiyasının “Sülh səfiri” mükafatçısı, şair, publisist Nəsibə İsrafilqızı kitabxana ilə sıx əməkdaşlıq edir. Vətənpərvər şairin şeirləri oxucular tərəfindən sevilə-sevilə oxunur və tədbirlərdə səsləndirilir.

Nəsibə İsrafilqızı “Yaradıcı oxucularımız” layihəsinə yeni yazdığı “TÜRKSOY” şeirini təqdim etdi. Şeir türkdilli dövlətlərin 1993-cü ildə bir araya gələrək mədəniyyət və incəsənət sahəsində birgə əməkdaşlıq məqsədi ilə yaradılan beynəlxalq TÜRKSOY təşkilatına həsr edilib. Şair qardaşlıq adına məbəd tikərək, əl-ələ tutaraq, dünyanı heyrətə salaraq bir günəştək gələcək nəsillərə şəfəqin saçan könüllər mülkündə Turan olan TÜRKSOY-u tərənnüm edir.

Şeirə bəstəkar Fərahim Qulubəyov musiqi yazıb. Mahnını Xalq artisti Gülyanaq Məmmədova ifa edir.

Şeir və mahnı oxuculara təqdim olunur:

https://youtu.be/Wk1MZ2SZvUo?si=O4ZvuMPnem3I8GbO

TÜRKSOY

Bayraqlar ucaldı, səmamız güldü,

Göydən yer üzünə nurlar töküldü.

Qardaşlıq adına məbəd tikildi,

Əl-ələ tutdular yarandı TÜRKSOY,

Könüllər mülkündə, Turandı TÜRKSOY.

Azərbaycan, Qazaxıstan, tatarım,

Özbəkistan, Qırğızsıtan da varım.

Altay, Saha, Tuva, qaqauzlarım,

Əl-ələ tutdular yarandı TÜRKSOY,

Dünyanı heyrətə salandı TÜRKSOY.

Ulu Türküm bir günəştək yol açır,

Gələn nəsillərə şəfəqin saçır.

Hakazım Kıbrısla hey qucaqlaşır,

Əl-ələ tutdular yarandı TÜRKSOY,

Könüllər mülkündə, Turandı TÜRKSOY.

“Ədəbiyyat və incəsənət”

(14.10.2025)