İnci Məmmədzadə, “Ədəbiyyat və incəsənət”

 Bu gün rəssam Nəvai Metinin doğum günüdür. O, həm bir-birindən gözəl tablolar çəkir, həm Azərbaycan rəssamlarının dünya rəssamları ailəsinə inteqrasiyalarına çalışır, həm tez-tez rəsm sərgiləri təşkil edir, müxtəlif kataloqların nəşrinə vəsilə olur, həm də çoxsayda şagird yetişdirir. Mədəniyyətimiz üçün çox gərəkli bir fəaliiyəti var Nəvai bəyin.

Nəvai Metin (Məmmədoğlu) 1965-ci il iyul ayının 3-də Qazaxın Qarayazı qəsəbəsində dünyaya göz açıb. Əslən Qazax rayonunun Aslanbəyli kəndindəndir.

1972-1982-ci illərdə Ağstafa rayonunun Zəlimxan kəndində orta təhsil alıb. 1982-1989-cu illərdə APU-nun bədii qrafika fakültəsində ali təhsil alıb.

1989-cu ildən mütəmadi olaraq mətbuatda, sərgilərdə əsərləri nümayiş olunur. Fərdi və qarışıq bir çox yerli və xarici sərgilərin iştirakçısıdır. Bir çox kitabların tərtibatçısı olub. 2005-ci ildən Azərbaycan Rəssamlar İttifaqının üzvüdür. “METİN-X” reklam şirkətinin rəhbəridir. Bu yaxınlarda mərkəzi Türkiyənin İzmir şəhərində yerləşən Uluslararası Aktivist Sanatçılar Birliyinin Təmsilçisi və Azərbaycan Rəsm Komitəsinin başkanı seçilib.

Allah xeyirli ömür nəsib etsin!

“Ədəbiyyat və incəsənət”

(03.07.2025)