Aynur İsmayılova,

“Ədəbiyyat və incəsənət” portalının Yaradıcılıq şöbəsi

 Mən hər gecə qaranlıq otaqda qələm itiləyirəm.

Kağızın boğazını kəsmək üçün.

Mən onu kəsməsəm, o məni boğur...

Baxıram, səhər yenə ağdır.

Məğlub olmur.

Mən onu öldürməsəm, o məni məhv edir.

İndi hər gecə ağlımdakı suallarla savaşıram:

Mən kiməm?

Niyə varam?

Bu kağız niyə var?

Hər gecə niyə eyni vaxtda masanın arxasında onunla savaşıram?

Cavab yoxdur.

Səhər açılır.

Mən yenə itiləyirəm.

“Ədəbiyyat və incəsənət”

(21.04.2026)