Hollivudun tanınmış komediya aktyoru Featured

İnci Məmmədzadə,

“Ədəbiyyat və incəsənət” portalının Xəbərlər və Təqvim şöbəsi

 

Bugündoğumgününü qeydedəndahabir ünlü; OuenUils.

 

Ouen Uilson (Owen Wilson) — amerikalı aktyor, ssenarist və prodüserdir. O, Hollivudun tanınmış komediya aktyorlarından biri hesab olunur. Xüsusilə komediya, romantik komediya, macəra və ailə filmlərində yaratdığı obrazlarla məşhurlaşıb. Ouen Uilson özünəməxsus danışıq tərzi, yumor hissi və fərqli mimikaları ilə seçilir. O, həmçinin animasiya filmlərində səsləndirdiyi personajlarla da geniş tamaşaçı auditoriyasının rəğbətini qazanıb.

 Ouen Kannet Uilson (Owen Cunningham Wilson) 18 noyabr 1968-ci ildə ABŞ-ın Texas ştatının Dallas şəhərində anadan olub. Atası Robert Endryu Uilson televiziya sahəsində çalışıb, anası Laura Kannet isə fotoqraf olub. Onun Endryu və Lyuk adlı iki qardaşı var. Hər iki qardaşı da aktyordur. Ouen gənclik illərində idmana maraq göstərib. Daha sonra Texas Universitetində təhsil alıb. Universitet illərində gələcək kino fəaliyyətinə təsir göstərən yaradıcı insanlarla tanış olub.

Uilsonun kino karyerası 1990-cı illərdə başlayıb. Rejissor Ues Andersonla əməkdaşlığı onun yaradıcılığında mühüm rol oynayıb. Onlar birlikdə həm ssenarilər yazıb, həm də filmlər üzərində çalışıblar. 1996-cı ildə çəkildiyi Bottle Rocket filmi onun kino dünyasında tanınmasına kömək edib. Sonrakı illərdə isə Hollivudun məşhur aktyorları ilə birgə müxtəlif layihələrdə iştirak edib.

Ouen Uilsonun kino karyerasında həm komediya, həm dram, həm də macəra janrında çoxsaylı filmlər var.

 

 Onun çəkildiyi tanınmış filmlər:

Bottle Rocket (1996) — Şüşə raket

Anaconda (1997) — Anakonda

Armageddon (1998) — Armageddon

The Haunting (1999) — Kabuslu ev

Shanghai Noon (2000) — Şanxay günortası

Meet the Parents (2000) — Valideynlərlə tanışlıq

Behind Enemy Lines (2001) — Düşmən xətlərinin arxasında

Zoolander (2001) — Zulan­der

The Royal Tenenbaums (2001) — Kral Tenenbaumlar

I Spy (2002) — Mən casusam

 

Ouen Uilson televiziya və serial sahəsində də fəaliyyət göstərib.

 

Onun tanınmış televiziya layihələri:

Saturday Night Live (2000, 2004, 2016, 2021) — Şənbə gecəsi canlı yayım

Community (2011) — İcma

Drunk History (2015) — Sərxoş tarix

Loki (2021–2023) — Loki

Stick (2025) — Stick

Xüsusilə Marvel studiyasının istehsalı olan Loki serialında Mobius M. Mobius obrazını canlandırması diqqət çəkib.

 

Ouen Uilsonun ən məşhur səsləndirmə işlərindən biri Pixar studiyasının Cars (Maşınlar) animasiya filmində İldırım Makkuin personajıdır.

 

Onun səsləndirdiyi digər animasiya personajları:

Cars (2006) — Maşınlar

Fantastic Mr. Fox (2009) — Möhtəşəm cənab Foks

Marmaduke (2010) — Marmadük

Cars 2 (2011) — Maşınlar 2

Free Birds (2013) — Azad quşlar

Cars 3 (2017) — Maşınlar 3

 

Mükafatları və nailiyyətləri

2002-ci ildə The Royal Tenenbaums filminin ssenarisinə görə Ues Andersonla birlikdə Oskar mükafatına namizəd olub.

2012-ci ildə Midnight in Paris filminə görə Qızıl Qlobus mükafatına namizəd göstərilib.

The Grand Budapest Hotel filmindəki iştirakı ilə də beynəlxalq kino mühitində diqqət çəkib.

Aktyorluqla yanaşı, ssenarist və prodüser kimi də fəaliyyət göstərib.

 

“Ədəbiyyat və incəsənət”

(18.11.2026)

Sayt Azərbaycan Respublikası Mədəniyyət Nazirliyi tərəfindən 2024-cü ildə “Qeyri-hökumət təşkilatları üçün qrant müsabiqəsi” çərçivəsində Azərbaycan Ədəbiyyat Fondunun həyata keçirdiyi “Yeniyetmə və gənclərdə mütaliə mədəniyyətinin formalaşdırılması” layihəsinin tərəfdaşı olaraq yenilənmiş, yeni bölmələr əlavə ediımiş, layihənin təbliği üzrə funksional fəaliyyət aparılmışdır.