Sofi Marsonun 60 illiyinə bəyaz çiçəklər Featured

İnci Məmmədzadə,

“Ədəbiyyat və incəsənət” portalının Xəbərlər və Təqvim şöbəsi

 

Onunlabağlı kinoindustriyasınınlirikvə sentimentalfilmlərdənibarətəngözəldövrü vardır ki, zaman Sofi Marsonu yaşa doldursa belə o filmlərdə o gözəllər gözəlidir, ecazkardır və bütün kişilər ona aşiqdirlər...

 

Sofi Marso (Sophie Marceau) — fransız aktrisa, rejissor, ssenarist və yazıçıdır. O, Fransa kinosunun tanınmış simalarından biri hesab olunur. Romantik dramlar, tarixi filmlər, komediyalar və macəra janrında yaratdığı obrazlarla geniş tamaşaçı auditoriyasının rəğbətini qazanıb.Sofi Marso  17 noyabr 1966-cı ildə Parisdə anadan olub. Uşaqlıq və gənclik illərindən incəsənətə maraq göstərib.

Aktrisalıq karyerasına hələ yeniyetmə yaşlarında başlayıb. 1980-ci ildə rejissor Klod Pino­tonun (Claude Pinoteau) çəkdiyi La Boum filmi ilə böyük şöhrət qazanıb. Filmdə canlandırdığı Vik Bereton obrazı ona geniş tamaşaçı sevgisi gətirib. Bu ekran əsəri onun Fransa kinosunda tanınmasına və gələcək karyerasının formalaşmasına mühüm təsir göstərib.

1982-ci ildə filmin davamı olan La Boum 2 ekranlara çıxıb. Sofi Marso bu filmdəki ifasına görə ən yaxşı yeni aktrisa nominasiyasında Fransanın nüfuzlu Sezar mükafatına layiq görülüb. Sonrakı illərdə o, Fransa ilə yanaşı, beynəlxalq kino layihələrində də iştirak edib. Xüsusilə tarixi dramlar, romantik filmlər və macəra ekran əsərlərindəki rolları ilə diqqət çəkib. 1995-ci ildə Mel Gibsonun rejissoru olduğu Braveheart filmində Şotlandiya şahzadəsi İzabella obrazını canlandırıb.

1999-cu ildə isə Ceyms Bond haqqında çəkilən The World Is Not Enough filmində Elektra Kinq rolunu ifa edib. Sofi Marso aktyorluqla yanaşı, rejissorluq və ssenaristliklə də məşğul olub. Parlez-moi d'amour və Trivial onun rejissor kimi fəaliyyət göstərdiyi filmlərdəndir.

 

Sofi Marsonun karyerası ərzində çəkildiyi tanınmış filmlər:

- La Boum (1980) — İlk məclis

- La Boum 2 (1982) — İkinci məclis

- Fort Saganne (1984) — Fort Saqann

- Joyeuses Pâques (1984) — Şən Pasxa

- L'Amour braque (1985) — Çılğın məhəbbət

- Police (1985) — Polis

- Round Midnight (1986) — Gecəyarısına yaxın

- Descente aux enfers (1986) — Cəhənnəmə eniş

- Chouans! (1988) — Şuanlar!

- L'Étudiante (1988) — Tələbə qız

- Mes nuits sont plus belles que vos jours (1989) — Mənim gecələrim sizin gündüzlərinizdən daha gözəldir

 

Sofi Marso əsasən kino aktrisası kimi tanınır. Onun televiziya sahəsindəki tanınmış işləri arasında:

- Nature Is Speaking (2014–2015) — Təbiət danışır (səsləndirmə layihəsi; Təbiət obrazını səsləndirib).

- Une histoire d'âme (2015) — Bir ruhun hekayəsi (televiziya ekran işi).

 

O, həmçinin müxtəlif televiziya proqramlarında, müsahibələrdə və kino festivallarında iştirak edib.  Sofi Marso yalnız aktrisa deyil, həm də rejissordur.

 

Onun rejissorluq etdiyi ekran əsərləri:

- L'Aube à l'envers (1995) — Tərsinə açılan sübh.

- Parlez-moi d'amour (2002) — Mənimlə sevgidən danışın.

- La Disparue de Deauville (2007) — Dovildə itkin düşən qadın.

 

1996-cı ildə Menteuse (Yalançı qadın) adlı romanını, 2001-ci ildə isə Telling Lies (Yalan danışmaq) adlı kitabını nəşr etdirib.

 

Mükafatları və nailiyyətləri

- 1983-cü il: La Boum 2 filminə görə Sezar mükafatında ən yaxşı gənc qadın aktrisa nominasiyasında qalib olub.

- 1988-ci il: Chouans! filmindəki ifasına görə Kaburq Beynəlxalq Romantik Film Festivalında romantik aktrisa mükafatına layiq görülüb.

- 1994-cü il: Teatr fəaliyyətinə görə Molyer mükafatında ən yaxşı teatr debütü mükafatını qazanıb.

- 2003-cü il: Fransanın İncəsənət və Ədəbiyyat Ordeninin zabit dərəcəsi ilə təltif olunub.

 

“Ədəbiyyat və incəsənət”

(17.11.2026)

Sayt Azərbaycan Respublikası Mədəniyyət Nazirliyi tərəfindən 2024-cü ildə “Qeyri-hökumət təşkilatları üçün qrant müsabiqəsi” çərçivəsində Azərbaycan Ədəbiyyat Fondunun həyata keçirdiyi “Yeniyetmə və gənclərdə mütaliə mədəniyyətinin formalaşdırılması” layihəsinin tərəfdaşı olaraq yenilənmiş, yeni bölmələr əlavə ediımiş, layihənin təbliği üzrə funksional fəaliyyət aparılmışdır.