İnci Məmmədzadə,

“Ədəbiyyat və incəsənət” portalının Xəbərlər və Təqvim şöbəsi

Cessi Adam Ayzenberq (Jesse Adam Eisenberg) — amerikalı aktyor, ssenarist, dramaturq, rejissor və prodüserdir. O, xüsusilə “The Social Network” filmində Mark Zuckerberg obrazını canlandırması ilə dünya miqyasında tanınıb.

Bu gün onun da doğum günüdür.

Cessi Adam 5 oktyabr 1983-cü ildə dünyaya gəlib. Eisenberg aktyorluğa hələ uşaq yaşlarında başlayıb. Televiziyada ilk diqqətçəkən işlərindən biri “Get Real” serialı olub. Daha sonra “Roger Dodger” (2002) filmində baş rolda çıxış edib. 2005-ci ildə “The Squid and the Whale” filmindəki rolu onun istedadının daha geniş tanınmasına kömək edib.

2009-cu ildə çəkilən “Zombieland” — “Zombilər ölkəsi” filmində Columbus obrazını canlandırıb. Emma Stone, Woody Harrelson və Abigail Breslin ilə birlikdə rol aldığı film həm kommersiya, həm də tənqidi baxımdan uğurlu olub. Bu rol Eisenbergin komediya janrında da uğurlu ola biləcəyini göstərib

2010-cu ildə David Fincherin “The Social Network” — “Sosial şəbəkə” filmində Mark Zuckerberg obrazını canlandırıb. Film Facebook-un yaranması və onun qurucuları ətrafında baş verən hadisələrdən bəhs edir.

Eisenbergin soyuqqanlı, sürətli danışan və mürəkkəb xarakterli Zuckerberg obrazı böyük tərif alıb. O, bu roluna görə “Ən yaxşı kişi aktyor” nominasiyasında Oskar mükafatına namizəd olub

Onun əsas filmləri arasında bunlar seçilir:

“Roger Dodger” (2002) — “Roce r Dodcer”

“The Squid and the Whale” (2005) — “Kalmar və balina”

“Adventureland” (2009) — “Macəralar ölkəsi”

“Zombieland” (2009) — “Zombilər ölkəsi”

“The Social Network” (2010) — “Sosial şəbəkə”

“Rio” (2011) — “Rio” — Blu obrazının səsi

“Now You See Me” (2013) — “İndi məni görürsən”

“The Double” (2013) — “İkiqat”

“American Ultra” (2015) — “Amerikan Ultra”

“The End of the Tour” (2015) — “Səfərin sonu”

“Batman v Superman: Dawn of Justice” (2016) — “Betmen Supermenə qarşı: Ədalətin şəfəqi”

“Café Society” (2016) — “Kafe cəmiyyəti”

“Zombieland: Double Tap” (2019) — “Zombilər ölkəsi: İkiqat atəş”

“Vivarium” (2019) — “Vivarium”

“A Real Pain” (2024) — “Əsl ağrı”

Eisenberg superqəhrəman filmlərində də rol alıb. “Batman v Superman: Dawn of Justice” filmində DC Comics-in məşhur canilərindən biri olan Lex Luthor obrazını canlandırıb. Daha sonra “Zack Snyder’s Justice League” filmində də bu obrazı oynayıb.

Rejissor və ssenarist kimi

Jesse Eisenberg yalnız aktyor deyil. O, dramaturq və yazıçı kimi də fəaliyyət göstərir. “When You Finish Saving the World” (2022) onun rejissor kimi ilk tammetrajlı filmi olub.

2024-cü ildə isə yazdığı, rejissorluğunu etdiyi və baş rolunu oynadığı “A Real Pain” filmi ilə daha böyük uğur qazanıb. Film Kieran Culkin ilə birlikdə çəkilib. Eisenberg filmin ssenarisinə görə BAFTA mükafatını qazanıb və Oskara namizəd olub.

Yazıçılığı

Eisenberg teatr üçün də əsərlər yazıb. Onun “Asuncion”, “The Revisionist” və “The Spoils” adlı pyesləri səhnələşdirilib. 2015-ci ildə isə “Bream Gives Me Hiccups: And Other Stories” adlı ilk kitabını nəşr etdirib.

Eisenberg bir çox filmdə ağıllı, bir qədər utancaq, sosial baxımdan narahat və nevrotik xarakterləri canlandırması ilə tanınır. Sürətli danışıq tərzi və özünəməxsus aktyor üslubu da onun fərqləndirici xüsusiyyətlərindəndir.

Jesse Eisenberg həm aktyor, həm də yazıçı-rejissor kimi fəaliyyət göstərən, xüsusilə “The Social Network” və “Zombieland” filmləri ilə kino tarixində özünəməxsus yer qazanan sənətçilərdəndir.

“Ədəbiyyat və incəsənət”

(05.10.2026)