İnci Məmmədzadə, “Ədəbiyyat və incəsənət”

Rejissor və prodüsser – bunlar onun sənətləridir,  kinomuzun taleyi üçün narahat adam kəlmələrindəki “Narahat adam” isə çəkdiyi filmlərdən birinin adıdır.

Və bir nəfər də tanımadığınız şəxs. Ad günü olan məşhurların sırasında mütləq bir nəfər tanımağınıza ehtiyac duyulan şəxs barədə də dilgi vermək bizim borcumuz deyilmi? Haqqında danışacağım şəxs televiziya rejissorudur, həm də böyük kinoda fəaliyyət göstərir.

Mübariz Nağıyev 28 noyabr 1970-ci ildə Bakı şəhərində anadan olub. 1992-ci ildə Azərbaycan Dövlət İncəsənət Universitetinin Teatr və Kino fakültəsini, 1993-cü ildə Pakistan İslam Respublikası Karaçi Universitetinin Biznesi İdarəetmə İnstitutunu bitirib.

Azərbaycan Kinematoqrafçılar İttifaqının, MDB və Baltikyanı ölkələr Kinematoqrafçılar İttifaqları Konfederasiyasının, Azərbaycan Professional Kinorejissorlar Gildiyasının, Azərbaycan Prodüserlər Gildiyasının üzvüdür.

2022-ci ildən Azad Azərbaycan TV kanalında "Yadındamı" layihəsinin, eləcə də sənədli televiziya filmləri silsiləsinin rejissoru və aparıcısı, Medianın İnkişafı Agentliyinin və Audiovizual Şuranın dəstəyi ilə yayımlanan "Ritmlərdəki tarix" layihəsinin aparıcısıdır.

Filmoqrafiya

- Narahat adam

- Rəssam ömrünün palitrası

- Üçüncü zəng

- Arzularını çəkən rəssam

- Ömrün rəngləri

- Rənglərin sehrli dünyası

- Azərbaycan: Tarixdən səhifələr

- Azərbaycan rəngkarlığının kraliçası

- Şuşa-Azərbaycan

- Dünən qəfildən gəldi…

- İstədiyin yar

Təltifləri

- Azərbaycan Respublikasının "Hərbi əməkdaşlıq sahəsində xidmətlərə görə" medalı

- Azərbaycan Respublikasının "Müdafiə Sənayesi Nazirliyinin 15 illiyi (2005–2020)" yubiley medalı

“Ədəbiyyat və incəsənət”

(28.11.2025)