Mina Rəşid, “Ədəbiyyat və incəsənət” üçün

Azərbaycan kinosunda və teatrında adı çəkilərkən dodaqlarda təbəssüm yaradan bir isim var - İlham Namiq Kamal. Amma biz ondan yox, onun qardaşından danışacağıq. Komik yox, dramatik rollar ifaçısı Cəfər Namiq Kamaldan.

19 may 2025-ci il tarixdə Azərbaycan Respublikasının Mədəniyyət Nazirliyi və Teatr Xadimləri İttifaqının təşkilatçılığı ilə Xalq artisti Cəfər Namiq Kamala həsr olunmuş "Maşallah, 75 də gəldi" adlı yubiley tədbiri keçirilib. 

Tədbirdə görkəmli sənət adamları, ziyalılar və media nümayəndələri iştirak ediblər. 

Çıxış edənlər - Xalq artistləri Hacı İsmayılov, İlham Namiq Kamal, Mərahim Fərzəlibəyov, Əməkdar incəsənət xadimləri Məryəm Əlizadə, İlham Rəhimli, teatrşünas Çingiz Ələsgərli, telejurnalist-dramaturq Ülviyyə Heydərova və başqaları Cəfər Namiq Kamalın yaradıcılıq yolundan, teatr səhnəsində yaratdığı obrazlardan, xarakterindəki çoxsaylı müsbət keyfiyyətlərdən danışıblar. Çıxışlararsı sənətkarın həyat və yaradıcılığını əks etdirən görüntülər nümayiş olunub. 

Cəfər Namiq Kamal bu unudulmaz günü təşkil edənlərə dərin minnətdarlığını bildirib və söylədiyi Monoloqla tədbirə xüsusi rəng qatıb. 

Sonda xatirə şəkli çəkilib.

“Ədəbiyyat və incəsənət”

(20.05.2025)