ABŞ-da “Emmi” və American Music Awards mükafatları öz sahiblərini tapdı Featured

Rate this item
(0 votes)

Növbəti dəfə “Beynəlxalq Kino Sənəti və Elmləri Akademiyası” tərəfindən təqdim olunan beynəlxalq “Emmi” mükafatları Nyu-Yorkda sahiblərinə çatıb.
“Ədəbiyyat və incəsənət” portalı TASS agentliyinə istinadən xəbər verir ki, ötən il pandemiya səbəbindən virtual olaraq təşkil edilmiş “Emmi” mükafatlarının təqdimat mərasiminin aparıcısı bu il amerikalı aktrisa Ynome Orji olub.
“Ən yaxşı bədii film” mükafatını rejissor Qreqori Monronun çəkdiyi “Kubrick by Kubrick” adlı fransız sənədli filmi qazanıb.
Britaniyalı Devid Tennant “Des” serialında canlandırdığı qatil obrazına görə “Ən yaxşı kişi aktyor” mükafatını, onun həmyerlisi Hayley Squires isə “Yetkinlər üçün material” (Adult Material) serialındakı roluna görə “Ən yaxşı qadın aktrisa" mükafatını qazanıb.
“Ən yaxşı dram filmi” mükafatı isə İsrailin "Tehran" serialına verilib.
“Emmi” mükafatlandırma mərasimi qaliblərin kollektiv foto çəkdirməsi ilə (1-ci şəkil) yekunlaşıb.
Bu arada prestijli American Music Awards mükafatları da öz sahiblərini tapıb. İlk dəfədir ki, bu mükafatların ən əsasında - İlin artisti nominasiyasında Cənubi Koreya təmsilçiləri - BTS qrupu birincilik əldə edib (ikinci şəkildə). Nominasiyada qalibiyyətə digər iddialılar Ariana Qrande, Dreyk, Oliviya Rodriqo, Teylor Svift və The Weekend qrupu olub.
Key pop janrında ifa edən Koreya qrupu bundan öncə də Billboard Hot 100 reytinqinə başçılıq etməyə müvəffəq olmuş ilk Koreya təmsilçisi kimi tarix yazmışdı.
Qeyd edək ki, American Music Awards mükafatları 1973-cü ildən təqdim olunur.