Bu günlərdə kitab rəflərinə yeni kitab daxil oldu - “Zəfəri yaradanlar”. 

“Ədəbiyyat və incəsənət” portalı kitabın müəllifi - sumqayıtlı yazar Lilpar Cəmşidqızı ilə əlaqə saxlayaraq ondan yeni nəşr edilən kitabı barədə bilgi almışdır. 

Lilpar Cəmşidqızı demişdir: 

-Çox çətinliklə də olsa, Sumqayıt şəhidlərinə yazdığım kitab işıq üzü gördü. Bu kitab Sumqayıtın aprel şəhidlərinə, 44 günlük Vətən müharibəsində qəhrəmanlıq göstərən şəhidlərimizə, 2022 və 2023-cü ildə antiterror əməliyyatında canlarından keçən, ümumi 130 şəhidə yazılmışdır və vətənpərvər şeirlər öz əksini tapmışdır. 

-Lilpar xanım, ara-sıra kitabın çapı ilə bağlı qarşılaşdığınız çətinliklər barədə də gileyləndiyinizə şahidik. 

-Bu kitabın araya-ərsəyə gəlməsinə mane olanlar həqiqətən də yolumda qaratikan kimi bitənlər az olmayıb. Amma mən bu kitabı, nəhayət, çap elətdirdim. Kitab həddindən artıq səliqəli, nəfis şəkildə alınıb. 

Kitab şəhid analarına şəxsən mənim tərəfimdən hədiyyə olunacaq. Vətən yolunda canından keçən oğullarımızı yad eləmək hər birimizin borcudur. Ruhu şad olsun, Şəhidlərimizin, Amin!

“Ədəbiyyat və incəsənət”

(06.04.2024)