Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Bulaqotulu bozbaşın  hazırlanma qaydasını təqdim edəcəyik. 

DÜSTUR:

§ Ət – 117 qr

§ Soğan – 25 qr

§ Tomat pastası – 23 qr

§ Yaşıl noxud – 25 qr

§ Düyü – 25 qr

§ Bulaqotu – 35 qr

§ Duz – 6 qr

HAZIRLANMASI:

Yazın gəlişi ilə bulaqotulu bozbaş bişirilir. Bulaqotulu bozbaş üçün qışda istifadə olunan qovurmadan az da olsa, saxlanılır. Qovurma yağı ilə götürülür, soğanla qovrulur, üzərinə tomat əlavə olunur. Daha sonra isə su, duz, bir az yaşıl noxud və yumru düyü qatılır və bişməyə qoyulur. Hazır ola- na yaxın bulaqotu xırda doğranır və xörəyə əlavə olunur.

QEYD: İstəyə görə bozbaşa adambaşına 1 ədəd olmaqla yumurta sarısı da əlavə etmək olar.

Nuş olsun!

“Ədəbiyyat və incəsənət”

(08.04.2024)