Bütün dünya “Barbi” filminə alüdə ikən və bu film ən kassalı film kimi milyonları öz kassasına kürüyərkən dəhşət filmləri arasında ən çox gəlir gətirənlərin də ayrıca siyahısı açıqlandı.

“Ədəbiyyat və incəsənət” portalı Kino.ru- ya istinadən xəbər verir ki, “Stage 6 Films” və “Blumhouse Productions” kinostudiyalarının birgə istehsalı olan “Astral 5: Qırmızı qapı” filmi 182,5 milyon dollar gəlir əldə edərək, cari ilin ən çox gəlir gətirən dəhşət filmi olub.

Patrik Vilsonun rejissorluğu ilə çəkilən ekran əsəri nümayişlərdən gələn gəlirə görə, 180,8 milyon dollar qazancı olan “M3Qan” filmini üstələyib. 

Ekran əsərində əsas rollarda Rous Börn, Tay Simpkins, Lin Şaye və Li Uannell çəkiliblər. 

Qeyd edək ki, bu günə qədər “Astral” layihəsinin bütün bölümləri dünya üzrə 735 milyon dollardan çox gəlir əldə edib.

Baxmayanlar üçün: film mənzillərində möcüzəli şeylər baş verən bir Amerika ailəsi barədədir. Qorxudan mənzillərini dəyişirlər, amma kabus yeni mənzildə də onlardan əl çəkmir…

Şəkildə: Filmdən kadr

“Ədəbiyyat və incəsənət”

(10.08.2023)