“Ulduz” jurnalının iyul nömrəsi işıq üzü görüb.
Bu say gənc şair İntiqam Yaşarın “Özüylə söhbəti və şeirləri”ylə açılır.
“Nəsr” bölməsində İlhamə Nasir, Günay Səma Şirvan, Nihat Pir, Ruslan Mollayev yeni əsərləri ilə oxucuların görüşünə gəlib.
“Şeir vaxtı”nda Məlik Atilay, “Elegiya”da Elşad Barat təqdim edilib.
“Tərcümə saatı”nda ingilis yazıçısı Livelin Voqan Lidin “Aşiq və Məşuq” əsərin Elmar Vüqarlının tərcüməsində oxuculara təqdim edilir.
“Tənqid”də filologiya elmləri doktoru Vaqif Yusifli “Aysellər”dən yazır. “Türk eli” Ziya Qaratəkinin şeirlərini, İmdat Avşarın “Şəkil və Qaşov” hekayəsini təqdim edir.
“Ulduz”un bu sayında oxucular Əlizadə Nuri, Nazim Əhmədli, Şahnaz Şahin, Nərgiz Məhərrəmzadə və Aida Adıgözəlinin şeirlərini, Qalib Şəfahətin novellasını da oxuya biləcəklər.
“Reportaj”da Nadir Rzalı “Bir masa ədəbiyyat”ı təqdim edir.
“Qısa fikirlər xəzinəsi” Cəlal Məmmədovun təqdimatında dühaların qısa deyimlərini təqdim edir.
“Tribuna”da Abid Tahirli “Mühacirət mətbuatı, Həsən bəy Zərdabi və “Əkinçi” haqqında” yazır.
Nurlana İşığın, Mina Rəşidin yazıları da bu nömrədə yer alır.
Bir sözlə, “Ulduz”un bu sayı hər cür ədəbi zövqləri təmin edəcəkdir.