Nemət Tahir,

“Ədəbiyyat və incəsənət” portalının Qarabağ təmsilçisi

Sizə Sovet dönəmlərinin bir məşhur lətifəsini danışacam. Hərçənd, onun real həvalat olmasını nəql edənlər də az deyil.

Demək, bir yəhudi İsrailə köçmə icazəsini alır. Çıxışda ruslar bunun baqajını yoxlayarkən paltarların arasındakı Leninin büstünü tapırlar:

- Bu nədir?

Yəhudi:

- "Bu nədir"? sualı səhvdir, yoldaş! "Bu kimdir"? deməniz lazım idi! Bu Lenindir, sosializmin təməlini quran, sovet xalqına yaxşılıqlar edəndir. Mən də bunu bərəkətli günlərin xatirəsi olaraq özümlə götürdüm.

Təsirlənmiş rus məmuru:

- Yaxşı, keçə bilərsiniz!, - deyir.

Tel-Əviv hava limanında gömrük məmuru büstü görür və soruşur:

- Bu nədir?

Yəhudi:

- "Bu nədir"? sualı səhvdir! "Bu kimdir"? deməniz lazım idi! Bu Lenindir. Bu dəli caninin əlindən o boyda SSRİ-ni tərk etmək məcburiyyətində qaldım! Özümlə götürdüm ki, hər gün ona baxıb lənət oxuyum!, - deyir.

Təsirlənmiş İsrailli məmur başını tərpədir:

- Yaxşı, keçə bilərsiniz!

Yəhudi evinə gəlir, büstü bufetin üstünə qoyur, gəlişi münasibətilə də qohumlarını dəvət edir.

Qonaqlardan biri soruşur:

- Bu kimdir?

Yəhudi:

- "Bu kimdir"? sualı səhvdir, quzum! "Bu nədir"? demək lazım idi! Bu 10 kiloqram, iyirmi dörd əyar qızıldır, vergisiz, gömrüksüz, üstəlik ƏDV-siz!

“Ədəbiyyat və incəsənət”

(30.06.2026)